لو هاتفك من دول في توصية مهمة الفترة دي

[Anonymous]

دون الدخول في تفاصيل او شرح دقيق

جوجل اكتشفت ثغرة مهمة تفتح الباب للهاكرز وللاسف لسه سامسونج اللي تخصنا ما اتحركتش لغلق او معالجة هذة الثغرة 

بالشكل ده المتوقع انه يتم المعالجه مع باتش امان ابريل لان مارس نزل بالفعل لبعض الموديلات من دون معالجه لسه

التوصية المهمه هي بغلق مؤقتآ خاصية الفولت زائد خاصية المكالمات عبر الواي فاي لو متاحه عندك

للموديلات الاتيه :

S22 M33 M13 M12 A71 A53 A33 A21s A13 A12 A04 

والغريب ان ايه ٧١ سناب دراجون مش اجزينوس بس هل هي حاجه تخص الموديم اللي فيه ؟؟؟

وده مثال واضح علي أهمية التحديثات الامنية وضرورة تنزيلها فور صدورها عشان الزملاء اللي بيسألوا الاول اخبار 

 التحديث ايه وننزله ولا لأ واللي عايزين يرجعوا لنسخة اقدم الي اخره .

التحديثات الامنية في غاية الاهمية وبتعالج بلاوي بيتم

 اكتشافها بشكل مستمر ومكانة كل شركة تأتي في المقام الاول بالدعم الامني اللي بتقدمه لمستخدميها ولاطول فترة ممكنه

مصدر الموضوع زائد تشديد علي التوصية للاهمية

https://www.sammobile.com/news/galaxy-phones-risk-bug-exynos-chip/?theme=dark

https://www.sammobile.com/news/stay-safe-until-samsung-patches-exynos-security-flaws/

[Anonymous]

هو المفروض ان مفيش حاجه بتتمسح تلقائى من ملفاتيك
احتياطي لو بتستخدمي تطبيق من بتوع تنظيف ال junk
والملفات المؤقته لتوفير مساحات شيليه ليكون بيهيس وبيمسح ملفاتيك انتي

والمهم ايقي خدي منه باك اب علي الخدمات السحابيه او علي فلاشه كارت ميمورى كده

[lala25]

لا كان كاميرا بتسجل صوت عادي من اى تطبيق مشغل منه ع انسا واسناب بس الوقتي من بعد تحديث من راضي يسجل

[Anonymous]

للاسف مش بستخدم انستجرام ولا سنابتيوب او سنابشات

[مصطفى086]

بس ده للمعالج اكزينوس فقط يا استاذ رامى وال A71 سنابدراجون

[Anonymous]

كلامك صحيح
وانا مستغرب برده
احتمال حاجه تخص الموديم بتاعه 👆لانه تم الاشارة ليه
الناس دي صعب تغلط وان ظل وارد

[مصطفى086]

اكيد هيوصل تحديث يقفل الثغرة دى

[Anonymous]

اكيد ان شاء الله
بس واضح ان الموضوع مش سهل
جوجل عالجتها لهواتفها البيكسل ٧ فقط ولسه شغاله علي البيكسل ٦
وسامسونج لسه ولا هاتف حتي الان رغم نزول باتش مارس
اقفل الفولت اضمن لحد ما نتأكد
انا عملت كده
السيطره علي الهاتف بتكون بمجرد معرفة رقم الخط لو الفولت مفتوح

[مصطفى086]

انا قفلتها عندى برضو

[Anonymous]

بص ده كمان يا استاذ مصطفي ودول برده من الناس المحترمة في المجال
نفس التوصية لنفس الهواتف وبرده وسطهم
A71

السكرين من موقع ثالث

https://www.digitec.ch/en/page/security-vulnerability-update-your-pixel-and-disable-wi-fi-calling-an...

[moezzat13]

محتاج مساعده من حضرتك دي كل شويه بتظهرلي مع إني محدث السوفت لأخر إصدار A30