Original topic:

لو عايز تحافظ علي موبايلك من الخدوش والسرطان

(Topic created on: 06-14-2024 02:58 PM)
100 Views
FaresMohamedYT
Active Level 7
Options
اخرى
في البدايه إيه هي الخدوش الي بتظهر علي ظهر الموبايل دي بتبقي زي نقط بيضاء اللون صغيرة الحجم تسمي بي السرطان و مستحيل إخراجها أو إزالتها طب ما سببها سببها الأساسي هو دخول هذه الأتربة بين ظهر الهاتف والجراب فيحدث إحتكاك بينهما فتظهر هذه النقاط البيضاء وأيضا إستخدام جراب أو كفر مصنوع من مواد ليست مرنة يعني نشفة زي البلاستيك وأمثاله
طب إزاي أمنع الحاجات دي إنها تظهر في موبايلي أو إزاي أحافظ علي موبايلي عموما
تقدر تحمي موبايلك وتحافظ عليه لو إشتريت الحاجات دي لموبيلك
١ - جراب سيليكون أو جلد مبطن (لازم يكون مبطن لو سيليكون أو جلد ومش مبطن ملهوش أي لزمة) سعره يبدأ من ٥٠ جنيه
٢ - إسكرينة شاشة زجاج (أي إسكرينة مصنوعة من مادة غير الزجاج زي سيراميك وجلاتين ملهاش أي لازمه) سعرها يبدأ من ٢٠ جنيه
٣ - إسكرينة ظهر فقط (مش ظهر وفريم) فيه منها شفاف و أشكال سعرها يبدأ من ٥٠ جنيه
خلي بالك مفيش جراب أو كفر علي وجه الكره الارضيه بيمنع دخول الأتربة بنسبة ١٠٠٪ لأن الأتربة بتدخل من الفتاحات الي في الجراب أو الكفر زي فتحة الشحن و فتحة السماعة و فتحة مدخل السماعة 3.5 و فتحة المايك عشان كدا لازم تجيب إسكرينة ظهر
٤ - إسكرينة لعدسة الكاميرا من الزجاج سعرها يبدأ من ٥٠ جنيه (إختياري)
(الكلام ده لجميع أنواع و فئات الهواتف)
لو جبت الحاجات دي لموبيلك إن شاء الله حيعيش معاك عشر سنين وأكتر
0 Comments