كابل الشحن عندي تعب ( سنتين تقريبآ ) وابتدى يعلق مره يشحن ومرتين ثلاثه لأ و ساعات يقولي ٣٥ ساعة لاكتمال الشحن .ويشحن جنب وجنب لأ .
وبحتاج مره في الشهر انقل ملف حجم ٦٠ جيجا من كمبيوتر الي الهاتف واصبحت سرعة النقل بطيئة جدآ .
والكابل ده عليه عامل مهم جدآ ولازم يكون أصلي عشان يحافظ علي سوكيت الشحن وعشان تاخد الاداء المطلوب في نقل الملفات او عمل باك اب علي سمارت سويتش او عمل السوفتوير بتاع الهاتف زائد توفير سرعات الشحن المتاحه في الشاحن والهاتف .
تجربتي عشان لو حد هيستفاد
لفيت علي اكتر من توكيل لسامسونج نفسها الكابل ناقص وغير متوفر ومنتظرين وصول بضاعه جديده واخر سعر بيع ليه كان ٢٠٠ جنيه .
اللي موجود هو شاحن كامل ٢٥ واط كابل تايب سي تايب سي بسعر ٦٠٠ جنيه😀 يعني حتي ما ينفعنيش الكابل .
روحت واوي اختصار عشان اعتراضات الذكاء الاصطناعي
لقيت كابل يو اس بي تايب سي ٣ امبير طول ١ متر اصلي طبعآ وبسعر ٩٠ جنية زائد فاتورة ضريبية موجود عند رزق الله كمان وعليه طريقة محترمة للتأكد اذا كان اصلي ام هاي كوبي وطبعآ طلع تمام والتجربة بتاعته ممتازه سرعة شحن زائد نقل داتا .
دي صورة الكابل
وفي الجنب العلامة المائية
بتخربش الجزء اللي مخبي الكود زي كروت شحن الرصيد قديمآ
تعمل اسكان من اي متصفح يطلع الاعتماد من عدمه و كمان لو كان تم الاستعلام عن هذا الكود من قبل من علي الموقع الرسمي للشركة اللي خسارتها عشان كانت ملجمه بتاعتنا😀
