فنكوش 16

[RamyELGammal]

المفروض ده يكون الاسم الدارج بين الناس لما نحب نتكلم على اندرويد 16 .

احنا اضحك علينا ورسيت على شوية تحديثات للتطبيقات وعادى جدآ كانوا ينزلوا على 15 او حتى 14 . 

[thestriker7680]

سامسونج كان المفروض تقسم مزايا one ui 7
على one ui 7 و one ui 8
ولكن سامسونج حطت المزايا كلها في one ui 7
وده أدى إلى تأخير في التحديث و المشاكل اللي حصلت لما الناس استلمت التحديث لأنهم معرفوش يظبطوا كل المزايا في كل الهواتف

فمن رأيي الشخصي أن اللي سامسونج عملته أنها حاولت تخلي التحديث ده في الأساس إصلاح للمشاكل بدل إصدار مزايا جديدة وتخلي المزايا اللي عايزة تضيفها في one ui 8.5
هو الخيار الأنسب

[RamyELGammal]

والله ياريت يكون ده قصدهم فعلآ

مشاكل 15 بالنسبالى كانت البطارية والحرارة ولما يتصلحوا واحنا لسه غير متأكدين انهم اتصلحوا فا دا مش تفضل من سامسونج علينا ده حق المستخدمين لانهم شارين تليفون وليس هيتر

بس هو هل ينفع ترقية محسوبة من عدد الترقيات الهلامى المعلن عنها يكون مفيش اضافة في الواجهة توحد الله غير دى وكمان لا تدعم العربى

والباقى كله عبارة عن تحديث تطبيقات فقط لا غير مع تغيير اماكن وشكل الاختيارات

[thestriker7680]

أتفق مع اللي بتقوله ولكن تخيل لو كنت مكان سامسونج
سامسونج نزلت تحديث سبب مشاكل كتيرة وأضر بسمعتها
الحل أنها تنزل تحديث يحل المشاكل دي ولكن تركيزها على حل المشاكل دي هيخليها متضفش مزايا جديدة ولو ضافت هيكون في نطاق محدود بحيث أنه ميكونش سبب لمشاكل تانية

وفكرة أنها مثلا تضيف سنة تحديث زيادة كتعويض للمستخدمين للهواتف هيسبب ضغط على الشركة أنها تعمل تحديث يشتغل على كل الهواتف والله أعلم لو هتقابلها مشاكل متعلقة بمحدودية الهارد وير
والحل أنها تحاول تضيف المزايا اللي كان المفروض يتضاف في التحديث الأساسي في تحديث فرعي بحيث أنه ميتحسبش على الموبايل سنة تحديث

أتمنى أن سامسونج تلم نفسها و ترضي المستخدمين

[Tarek_Shamia]

8 نازل بسرعه لتصحيح اخطاء 7 وخصوصا فى موضوع ارتفاع الحراره وسرعه نفاذ البطاريه