عناد و انعدام للثقه فى شركة سامسونج

[waleedwaleed]

تم اصدار قرار من الجهاز القومى لتنظيم الاتصالات و جهاز حماية المستهلك باستبدال جهاز تليفون بسبب وجود عيب فنى و ذلك بعد عناد و عدم مصداقيه من شركة سامسونج و انكار ان الجهاز يوجد به عيب فنى شركة سامسونج اصبحت من الشركات السيئه و التى تعامل عملائها بكل اسائه و قلة ذوق

فى الصوره رد جهاز تنظي الاتصالات و ما زالت سامسونج ترفد استبدال الجهاز

[HadyHady]

الواحد هايفقد الثقه في سامسونج رغم ان سمعة الشركه هي راس مالها

[shadysh]

والله انا متابع مشكلتك من الاول واحد صاحبي كان عاوز يقولى انصحة بسامسونج قلتلو لا وعرفتو ان خدمة العملاء سيئة ووريتة مشكلتك وجاب من شركة تانيه وانا الموبايل الجاى مش هتعامل معاهم لانى بخاف جدا من موضوع الاستبدال دة ولو حسيت ان الى قدامى بيماطل مبحبش اورط نفسي مع الشركات الى من النوع ده الاغرب انهم مبيحترموش قانون الدولة دى مصيبة اكبر مش فاهم ازاى شركة تخاطر بسمعتها علشان مبلغ صغير زى دة انا عارف انك مش فارقة معاك التليفون وان اسلوبهم كبر الموضوع فى دماغك لكن ان يوصل الموضوع لعدم تنفيذ القانون دى مصيبة اكبر يعنى الشركة دى مفيهاش حد محترم يقول الى بيحصل ده عيب والله عيب عليكم

[waleedwaleed]

انا عايز اقول لحضرتك انهم بيتبعوا اسلوب الاستفزاز للعميل لأقسى درجه علشان يوقعوا العميل فى الغلط و يخسر حقه و انا لحد دلوقتى بقالى اكتر من شهر داخل فى حرب معاهم و مفيش فايده شركه لا تحترم العميل ولا القانون ولا اى حد لدرجة ان بعد ما حماية المستهلك و تنظيم الاتصالات قرروا ان الجهاز بايظ و لازم يستبدل شركة سامسونج بيكلمونى و يقولولى روح لجهاز تنظيم الاتصالات خليه يديك تليفون جديد احنا معندناش يعنى بجاحه و قلة زوق و الاكتر من كدا شركة الصيانه المعتمده من سامسونج اسمها سكاى دول بقا بلطجيه و بيتكلموا بأسم سامسونج قلة ادب و بجاحه و اهدار حقوق الحمد لله ان الجهاز مش غالى كان زمانى دخلت السجن بسببهم و ان شاء الله سامسونج تقفل فى مصر انا بعملهم فيديو و مسجلهم كل المكالمات و مش هسيب حقى حتى لو بسيط

[shadysh]

اغبياء للاسف دى المشكلة لما تمسك ناس متفهمش فى الادارة ثقة العميل تسوى ملاين يعنى بسبب مشكلتك انا نصحت واحد صحبي كان عاوز يشترى موبايل فى حدود 10000 علشان يصور بيه انو يبص على مشكلتك الاول لانو بيقلى بحكم انك اشتريت موبايل جديد من سامسونج رئيك ايه فى خدمة العملاء قلتلو لسه محتكتش معاهم فى حاجة بس شايف الناس بتسب وتلعن ولما شافها وشاف مشاكل تانيه قلي مستحيل اثق فيهم اذا كانو بيعملو كدة فى موبايل بالسعر دة امال هيعملو ايه لو حاجة بسعر اكبر غباء

[waleedwaleed]

لا هما مش اغبياء هما دارسين السوق المصرى كويس جدا و عارفين انهم لما يدوا العميل على عينه مش هيتكلم لأن ناس كتير متعرفش حاجه عن حماية المستهلك و تنظيم الاتصالات فا بيلعبوا على جهل الناس و بيعاندو مع اللى فاهم لحد ما يزهق بس انا متعودتش اسيب حقى مع الشياطين اللى زى شركة سامسونج المشكله انها ادارة مصريه يعنى عمرنا ما هننضف من جوانا