Original topic:

عمل سوفتوير للهاتف

(Topic created on: 05-16-2022 12:25 AM)
12001 Views
Anonymous
Not applicable
Options
اخرى
الطريقة السليمة لعمل سوفتوير لهواتف سامسونج الاندرويد سواء بهدف تغيير دولة السوفت او لو عندك مشاكل في الهاتف وعايز تعمله سوفت كامل جديد مع الاحتفاظ بنفس دولتك هي كالتالي وبالترتيب ده لانه اسهلم :

اولآ تتأكد ان الكمبيوتر بتاعك بيشوف الهاتف بمعني انك لو وصلته بالكمبييوتر والهاتف مفتوح طبعآ ولوك الشاشه مفتوح يتشاف علي انه مساحة تخذين زي السي او الدي اللي عندك اغلب الكمبيوترات هتشوف الهواتف لوحدها في حالة محصلش ده رابط التعريف تقريبآ صالح لاغلب الويندوزات
واسهل واضمن حاجه لضبط التعريف هو تنزيل برنامج سمارت سويتش علي الهاتف وعلي الكمبيوتر وتحقيق اتصال بينهم بكده هتكون متأكد ان التعريف تمام .

ثانيآ تحميل الملفات الاتيه من علي الكمبيوتر مباشرتآ لو تعذر يبقي التحميل من الهاتف ثم انقلهم علي الكمبيوتر 
برنامج اودبن اخر اصدار من اللينك ده
نسخة الاندرويد للبلد اللي هتختاره من موقع سام موبيل
او الاسهل من عمل حساب مجاني وسرعة تحميل افضل يبقي من samfw
هتكتب في بحث samfw الموديل بتاع تليفونك يالضبط زي ما مكتوب عندك في حول الهاتف مثال علي ايه ٧١

image

هيفتح معاك كل الدول المتاحه لهاتفك هتضغط علي الدولة وتحمل احدث حاجه نزله عن طريق الضغط علي رقم الاصدار

image

الصفحة اللي هتفتح التحميل من هنا

image

ملف الاندرويد اللي هينزل هيكون مضغوط لو نزلته من الهاتف يبقي تنقله علي الكمبيوتر زي ما هو وبعدين تفك الضغط بتاع الملف من علي الكمبيوتر هيتفك معاك الي ٥ ملفات و في بعض الدول بيكون فيه ملف سادس عبارة عن نوت باد كده كده ظهر معاك او لأ هو ملوش لازمه بالنسبه للموضوع .

ثالثآ تجهيز الهاتف 
تاخد باك اب من الرسايل النصيه رسايل الواتس
تنقل ملفاتك صور فيديوهات ملفات ورد اكسيل الي اخره علي كارت الميمورى او علي فلاشه او علي الكمبيوتر مزامنه لجهات الاتصال علي حساب جوجل مثلآ شرحه للكاليندر
مزامنه من بوكماركس السامسونج انترنت والسامسونج نوتس علي حساب سامسونج ولا يفضل عمل باك اب للتطبيقات الاحسن تضيع شوية وقت وتنزلهم وتظبطهم تاتي علي المهل كده عشان تحصل علي اداء هاتف نضيف بدون اي مشاكل .
اعمل استعادة ضبط مصنع عشان حماية الحسابات تتشال ويبقي كله علي نضافه ولما الهاتف يرجع يفتح ما تدخلش حساباتك تاني .
تشحن الهاتف حد ادني ٥٠% وكل ما يكون اكتر انت الكسبان محدش يفتح او يغيير اي حاجه من اعدادت المطور ولا بوت لودر ولا تصحيح اخطاء ال usb ما تفتحش المطور اصلآ .
تقفل الهاتف وتشيل منه شرايح الخطوط .

رابعآ اسلوب تركيب السوفت السليم 
افتح الاودين هتطلع رسالة تخذيرية بتفكرك انك تشيل تأمين الحسابات عشان ما تواجهش اي مشاكل بتضغط موافف 
عدم تغيير اي حاجه في اعدادات الاودين نهائى نهائى نهائى .
وصل الكابل الاصلي بتاع التليفون في usb الكمبيوتر اضغط علي تعلية وتوطية الصوت مع بعض وانت ضاغط وصل ااكابل بالهاتف لما تظهر شاشة خضراء مكتوب فيها 
Download mode سيب الزراير هتلاقي مكتوب انك تضغط ضغطه واحده علي تعلية الصوت للتأكيد اعمل كده في الاثناء دي الاودين هيشوف الهاتف ويطلعك في اول مربع من الشمال الهاتف متوصل فين بالكمبيوتر 
من الاودين اضغط علي زر BL 

image

هيفتح نافذة فيها مساحة تخذين الكمبيوتر هتوصله للمكان اللي انت فكيت فيه ملفات الاندرويد وتضغط علي نفس الاسم اللي هو ال BL وتسيبه يحمل الملف كل واحد وسرعة الكمبيوتر بتاعه هتعرف ان التحميل تم ان مكان السهم التوضيحي هيكون في سطر مكتوب وهتظهر علامة صح جنب ال BL
نفس الموضوع هنكرره لملف AP و CP 
Ap اطول ملف في تحميله سيبه علي راحته لغاية ما يخلصه ممكن تطلع رسالة في الاودين فوق انه not responding سيبه ما تعملش حاجه هياخد وقته وتتشال الرساله ويظهرلك انه تم التحميل زي ما قلنا قبل كده
اخر ملف بيتحمل هو csc وبتختار من الملفات المغكوكه برده نفس الاسم csc فقط ومش home csc 
علي الاقل اول مره يفضل ويفضل اختيار csc فقط
اخر واحد user data بتسيبه فاضي
بتضغط start بيظهر في الهاتف وفي الاودين شريط للتحميل 
 عند انتهاء الشربط هتظهر رساله في الاودين ان العملية تمت بنجاح والهاتف هيبداء يفتح هنا تفصل الكابل .
الهاتف هيفتح زي ما كان خارج من علبته شوف بقي اعداداتك لبدء التشغيل وبعد ما تدخل حساباتك وتعمل الابديتات الاوله المطلوبه لمتجر جوجل الي خلافه وتحس ان الهاتف خلص تحديثات واستقر ومفيش حاجه بتحمل فوق تقفله وتركب الشرايح .
هو ده كل الموضوع .
الهندي الافضل علي الاطلاق وفيه تسجيل مكالمات عادي وكمان الفيتنامي والاندونيسي 
كل الاوروبي حلو بس مفيش نسجيل والمقصود بالاوروبي الدول الكبيره روسيا فرنسا المانيا انجلترا ايطاليا ومش بقي اليونان والبرتغال وكده خليك مع الجامد تكسب😀

بالطريقه دي كله رسمي بالنسبة لسامسونج ومرخص بالنسبة لجوجل تحديثات هوائية ساعت صدورها في البلد اللي اختارته مجلد أمن سامسونج باس سامسونج هيلس كله شغال ده مش روت ولا كسر حماية نوكس او جوجل ولا نسخة مطبوخة دي نسخ اندرويد رسمية .

اللي محتاج لينك تحميل النسخة يبعت الموديل بالضبط والدولة اللي عايزها .
408 Comments
ibrahim222
Active Level 1
اخرى
A52s من فضلك عايز تسجيل المكالمات والأداء مع بعض السوفت الهندي ولا الفيتمامي
0 Likes
Anonymous
Not applicable
اخرى
الهندي هو افضل واحد ويليه الفيتنامي نمرة اتنين
الفيتنامي بيتم تحويله ساعت نزوله للماليزي وده معلهوش تسجيل مكالمات فا لو رسيت عليه لازم تنزله ويتحول معاك وبعدين تنفذ منشور اخر عندي بعنوان هام جدآ عشان ترجعه فيتنامي
OmarMohammed
Active Level 4
اخرى
طب انا تليفوني a11 ينفعله تحديث أندرويد ١٣
0 Likes
Anonymous
Not applicable
اخرى
للاسف سوفتوير رسمي مفيش لان اخره اندرويد ١٢
ولا انصحك بعمل روت وكسر للحماية لتنزيل سوفتوير معدل
OmarMohammed
Active Level 4
اخرى
طب عايز احدث حاجة أندرويد ١٢ سوفت وير هندي وتليفوني samsung a11
0 Likes
OmarMohammed
Active Level 4
اخرى
وطب أندرويد ١٢ السوفت وير السعودي حلو
Anonymous
Not applicable
اخرى
زي المصرى مفيش فرق بالاضافه انه مفيهوش تسجيل مكالمات
بالنسبة لهاتف ملوش هندي لكن الفيتنامي برده حلو
اخرى
السلام عليكم كل عام و انت بخير ازي حضرتك أستاذ رامي لو سمحت انا معايا تلفون نوعه +Galaxy J4 رقم الطراز SM-J415FN/DS من اليونان من شركة cosmote انا في مصر و لا يقبل تشغيل اي شريحة _فسؤالي هل بعمل سوفتوير لبلد مختلفة اياً كانت و تغير csc أو الكارير سيعمل اي كارت sim (خط مصري) ام لا ؟ و شكراً لمجهودك
Anonymous
Not applicable
اخرى
وعليكم السلام ورحمة الله
مش هتخسر حاجه لو جربت تنزل المصرى مثلآ لو متاح للموديل
انا في اعتقادي ان الهاتف معمول ليه لوك شبكات للعمل علي شبكات بعينها فقط لكن جرب برده
اخرى
شكراً لرد حضرتك الحقيقة انا دورت علي موقع samfw بس ملقتش للموديل ده نسخه مصرية فلو نزلت سوفتوير لبلد مختلفة هيشتغل اي خط مصري عادي و هيتلغي لوك شبكة cosmote و لا لازم نسخة السوفتوير تكون نفس بلد شريحة الخط و شكراً