إلغاء
إظهار نتائج لـ 
البحث بدلاً من ذلك عن 
هل تعني: 

الموضوع الأصلي:

عايز انبهكم لحاجه مهمة قد تحدث

(أُنشأ الموضوع في: 15/04/21 10:57 م)
RamyELGammal
Expert Level 5
خيارات
اخرى
انا تليفوني ايه ٥٠ بقاله سنتين شغال صحيح بس الحمد لله بحالته تقرييآ اللي خرج بيها من علبته سليم يعني والمقدمة دي مهمة عشان فهم المشكلة صح
النهارده في وسط النهار كده كنت بستعمل التليفون طبيعي زي كل يوم وسايبه من ايدي عادي جدآ بالنقر المزدوج علي الشاشه والشاشه قفلت طبيعي جدآ وسيبته واتحركت بعيد عنه .
بعد مرور ساعه كده استغريت جدآ ان التليفون مرنش ومجاش اي تنييه او اشعار برسائل كالمعتاد كل ٥ دقايق رجعت للتليفون وكانت المفاجئة انه مقفول دا كان الاعتقاد الاول اللي جالي لان النقر المزدوج ما فتحش الشاشه وضغطه علي زر الباور برده من غير تإثير فا قلت قفل مع انها عمرها ما حصلت والبطاريه كانت ٦٠% 
التليفون مات بمعني الكلمة جميع محاولات فتحه فشلت وصلته بالشاحن وانتظرت فتره طويله مفيش اي مؤشر علي الشاشه انه بيتم الشحن وابتديت اني اضغط علي الزراير بشكل مطول منفصلين ومجتمعين من غير اي تأثير .

قبل كدا كنا بنفتح ضهر التليفون ونشيل البطارية شوية وبعدين نجرب فا يشتغل مع انها كانت نادرت الحدوث وكان لازم يكون تليفون مستهلك . دورت علي الطريقة البديله لحكاية شيل البطاريه طلعت بالضغط علي زر توطية الصوت لمده ١٠ ثواني ثم وانت لسه ضاغط تضغط علي زر الباور وتفضل دايس الاتننين ١٠ ثواني تانين يبقي كده اكنك شيلت البطاريه من التليفون ورجعتها بالضبط .

لما عملت كده التليفون فتح وفتح طبيعي جدآ اكنه كان مقفول عادي وفتح حتي ما طلعش ليا اي رساله بأن تم عمل ريستارت ولا غلق بطريقه خطاء ولا ان فيه اي حاجه غلط نهائي .

دورت ورا الموضوع طلع ان ده اسمه Freeze ترجمتها تجمد المقصود بيها مش التجمد بتاع الجو طبعآ لكن تشبيه لانه نفس اعراض التجمد ميت تمامآ لا استجابه لزراير ولا استجابه لشحن والمفاجئة ان الموضوع ده منتشر بعد تحديث اندرويد ١١ اكيد لعيب في النسخة لسه هيتم اكتشافه .

جايز جدآ الموضوع ده ما يحصلش مع جميع الموديلات و جايز جدآ برده ما يحصلش مع كل الناس اللي مشتركه في نفس الموديل بس اهو حصل معايه النهارده والمفروض اني مستخدم جيد للتليفون وفي ناس ممكن تتخد وتفتكر التليفون جاب بورده لتشابه المنظر تمامآ وتروح صيانه سواء توكيل او بره ويحصل اشتغالات او ما شابه فوجب التنبيه بالتجريه .

التليفون من ساعت ما فك التجمد ده شغال عادي جدآ ولا اكن حصل حاجه خالص .
16 التعليقات
IME2020
Active Level 7
خيارات
اخرى
تسلم يالغالي علي التنبيه وفعلا واحد ممكن يصدق كذاحاجه حصلت لو مش اشتغل وع فكره في حاجه تاني برضو في تحديث الجديد برضو مستغرب ليها انه مش بيحسب صح عندد ساعات التطبيقات الي شغلتها يعني مثلا اكون مستخدم فيس ساعه يكتب نص ساعه وهكذا بس كا ساعات اجمالي للتطبيقات بيكون صح
RamyELGammal
Expert Level 5
خيارات
اخرى
طبعآ محتاج منهم شغل لسه 👍
شكل التلبفون يخد بيتحول طوبه بالضبط ولا اي حاجه بتأثر فيه
IME2020
Active Level 7
خيارات
اخرى
وهو عامتا محتاج كذا تحديث علشان يتظبط تحديث دا
MohHeikal
Active Level 6
خيارات
اخرى
تسلم أستاذنا الفاضل على تلك الإفادة
RamyELGammal
Expert Level 5
خيارات
اخرى
تعيش يا استاذ محمد
KINGMOUNIR
Active Level 8
خيارات
اخرى
دا اسمه الموت المفاجئ للهاتف ودا بيحصل كتير وبرضوا فى حالة تفليش الهاتف بتقف الشاشة وطريقة ارجاعها زى ما عملت كدا زرار الباور مع خفض الصوت لمدة عشر ثوانى بيتم فتح الهاتف عادى بس للاسف ناس كتير ماتعرفش الموضوع دا وبيروح لبتاع الصيانه ويطلب منه فلوس كتير مع ان الامر بسيط خالص
RamyELGammal
Expert Level 5
خيارات
اخرى
فعلآ بيحصل اشتغالات كتير للي مش عارف
وشكل التليفون بيكون مقنع انه جاب بورده
KINGMOUNIR
Active Level 8
خيارات
اخرى
ربنا ينفع بيك فى الخير دايما استاذ رامى
RamyELGammal
Expert Level 5
خيارات
اخرى
تسلم يا باشا
اشكرك
0 نقاط إعجاب