زمن شحن التليفون او اي بطارية ليها طريقة حساب وبتعتمد علي حجم البطارية والفولت بتاعها وقدرة او شدة الشاحن وطبعآ ده في الظروف المناخية الطبيعية مش حر ولا برد قوي وسامسونج بتقول ان الشحن بيكون بأداءه الطبيعي لو درجة حرارة البطارية ما بين 10 الي 40 درجة مئوية .
المعادلة الرياضية للحساب زمن الشحن هي :
فولت البطارية X حجمها بالامبير mAH ÷ فولت الشاحن X امبير الشاحن = مدة الشحن
فولت البطارية في تليفونات سامسونح في الغالب يتراوح ما بين
3.7 حتي 5 فولت وتقدر تعرف الرقم عندك بالتحديد بأستخدام تطبيقات بتقيس الكلام ده زي تطبيق Devcheck من جوحل بلاي مثلآ .
مثال لشحن بطارية ٦٠٠٠ ملي امبير بالشاحن المرفق بيها بعد معرفة الفولت الخاص بيها بالتحديد
يا تحول امبير الشاحن الي ملي يا تحول ملي البطارية الي امبير بالضرب في ١٠٠٠ في الحالة الاولي يا بالقسمة علي ١٠٠٠ في الحالة التانيه
3.9 في 6000 علي 5 في 2000 = ساعتين و35 دقيقه علي الشحن العادي
3.9 في 6000 علي 9 في 1670 = ساعة و55 دقيقة علي الشحن السريع
بالنسبة للناس اللي بتسأل في حالة انها تجيب شاحن اعلي من اللي مع التليفون لتقليل زمن الشحن الفيصل بيكون قدرة بطارية التليفون و IC الشحن وكل تليفون ليه قدرة قصوى اكتر منها مش هياخد و القدرة القصوي دي هتلاقيها في الضبط / حول الهاتف / معلومات الحالة / مقدر الرقم ده اعلي شاحن ممكن استخدامه
من الصور اللي فوق بخصوص هاتف ام ٣١ والشاحن بتاعه تلاقي القدرة القصوي في حول الهاتف متفقه مع قدرة الشاحن نفس الكلام مطبق علي تليفون تاني مثلآ زي A71 ان التليفون ياخد حتي شاحن 25 وات وهو الشاحن المرفق بالعلبة .
ال 9 فولت ~ 2.77 امبير تساوي شاحن 25 وات .
معلومة اخيره مش كل ال 15 وات متساوي او بيكون لنفس الاستخدام
قارن بين الشواحن المرفقه فوق هتلاقي في شاحن 15 وات جايبهم 9 في 1.67 وشاحن تاني 15 وات جايبهم 5 في 3
يجب استخدام الشاحن المرفق فقط يا عند اللزوم يكون اقل مش كل نفس الوات ينفع كل التليفونات .
