إلغاء
إظهار نتائج لـ 
البحث بدلاً من ذلك عن 
هل تعني: 

الموضوع الأصلي:

طريقة حساب زمن الشحن المتوقع

(أُنشأ الموضوع في: 06-27-2021 05:38 PM)
RamyELGammal
Expert Level 5
خيارات
اخرى
زمن شحن التليفون او اي بطارية ليها طريقة حساب وبتعتمد علي حجم البطارية والفولت بتاعها وقدرة او شدة الشاحن وطبعآ ده في الظروف المناخية الطبيعية مش حر ولا برد قوي وسامسونج بتقول ان الشحن بيكون بأداءه الطبيعي لو درجة حرارة البطارية ما بين 10 الي 40 درجة مئوية .
المعادلة الرياضية للحساب زمن الشحن هي :

فولت البطارية X حجمها بالامبير mAH ÷ فولت الشاحن X امبير الشاحن = مدة الشحن

فولت البطارية في تليفونات سامسونح في الغالب يتراوح ما بين 
3.7 حتي 5 فولت وتقدر تعرف الرقم عندك بالتحديد بأستخدام تطبيقات بتقيس الكلام ده زي تطبيق Devcheck من جوحل بلاي مثلآ .
مثال لشحن بطارية ٦٠٠٠ ملي امبير بالشاحن المرفق بيها بعد معرفة الفولت الخاص بيها بالتحديد 

image


image

يا تحول امبير الشاحن الي ملي يا تحول ملي البطارية الي امبير بالضرب في ١٠٠٠ في الحالة الاولي يا بالقسمة علي ١٠٠٠ في الحالة التانيه
3.9 في 6000 علي 5 في 2000 = ساعتين و35 دقيقه علي الشحن العادي
3.9 في 6000 علي 9 في 1670 = ساعة و55 دقيقة علي الشحن السريع


بالنسبة للناس اللي بتسأل في حالة انها تجيب شاحن اعلي من اللي مع التليفون لتقليل زمن الشحن الفيصل بيكون قدرة بطارية التليفون و IC الشحن وكل تليفون ليه قدرة قصوى اكتر منها مش هياخد و القدرة القصوي دي هتلاقيها في الضبط / حول الهاتف / معلومات الحالة / مقدر الرقم ده اعلي شاحن ممكن استخدامه

image

من الصور اللي فوق بخصوص هاتف ام ٣١ والشاحن بتاعه تلاقي القدرة القصوي في حول الهاتف متفقه مع قدرة الشاحن نفس الكلام مطبق علي تليفون تاني مثلآ زي A71 ان التليفون ياخد حتي شاحن 25 وات وهو الشاحن المرفق بالعلبة .


image


image

ال 9 فولت ~ 2.77 امبير تساوي شاحن 25 وات .


image


 


معلومة اخيره مش كل ال 15 وات متساوي او بيكون لنفس الاستخدام
قارن بين الشواحن المرفقه فوق هتلاقي في شاحن 15 وات جايبهم 9 في 1.67 وشاحن تاني 15 وات جايبهم 5 في 3 
يجب استخدام الشاحن المرفق فقط يا عند اللزوم يكون اقل مش كل نفس الوات ينفع كل التليفونات .



5 التعليقات
Samah-Ahmed
Moderator
Moderator
خيارات
اخرى



مساء الخير يا فندم

مع حضرتك سماح من سامسونج مصر

بنشكرك جدا على مشاركتك معانا

وبنتمنى لحضرتك يوم سعيد

ولو عندك أى استفسار 

هتلاقينا موجودين تحت أمرك فى أى وقت

شكرا لحضرتك ولوقتك

0 نقاط إعجاب
IME2020
Active Level 7
خيارات
اخرى
الله ينور عليك بجد لخصت حوار شحن من اخر والله 👏👏👏
RamyELGammal
Expert Level 5
خيارات
اخرى
تسلم يا باشا
IME2020
Active Level 7
خيارات
اخرى
عندك خلفيه ليه كتابه بتختلف من فون لتاني علي راس الشاحن من نفس نوع الفون عارف انه مش قضيه بس مجرد فضول يعني هههههههه
RamyELGammal
Expert Level 5
خيارات
اخرى
ممكن لاختلاف بلد مصنع الشاحن او لاختلاف تاريخ الصنع
عامتآ هي طباعه ليست اكتر المهم الاين بوت والاوت بوت