شحن البطاريات

[Shadythestar]

هو ايه الخطر لو شحنت الموبايل كامل ؟

[Anonymous]

مافيش خطر إن شاء الله بس عند إكتمال الشحن ماتسبهوش عالشاحن

[AhmedShoaeb]

لو بتتكلم من ناحية الكهرباء ، فمتقلقش البطاريات فيها دواير أمان بتفصل عنها الباور اول ما توصل نسبة الشحن ل١٠٠%، فالشحن بيقف

اما لو بتتكلم من ناحية البطارية ، فالشحن الكامل بيتحسب واحدة من كفاءة البطارية ( او بيخصم دورة من الدورات الافتراصية اللى بعدها كفاءة البطارية بتقل تدريجى) فالافضل انك تشحن اول ما يوصل ل ٣٠ او ٤٠ و تشيله من الشاحن عند ٨٠ او ٩٠ ،
ومرة فى الشهر تفضى البطارية خالص ل ٠ % وبعدين تشحنها

[Anonymous]

ممكن اسألك
معني دورة من الدورات الافتراضيه

[AhmedShoaeb]

يعنى عدد المرات الى البطارية اتشحنت فيهم و دا بيعبر عن العمر الافتراضى للبطارية ( او كفاؤة البطارية )

[Anonymous]

يعني معني كلامك ان البطاريه متبرمجه او مظبوطه علي عدد معين من الشحنات بعد منها تبوظ او ما تقبلش شحن
والعدد ده البطاريه بتعرفه لما توصل الي
100%

[AhmedShoaeb]

مش متبرمجة او مظبوطة الفكرة ان البطارية عبارة عن ايونات بتتفرغ و تتشحن بالكهرباء ، اى بطارية بمرور الزمن كفائتها بتقل تدريجى و
دا ليه عوامل كتير منها كُتر الشحن و التفريغ ،
يقال ان بطاريات الموبايلات ليها من ٥٠٠ ل ٦٠٠ دورة شحن قبل ما كفاءتها تقل تدريجى ، الدورة الواحدة عبارة عن شحن من ٠ ل ١٠٠% ثم التفريغ ل ٠%، كدا بيتحسب دورة منهم
و هكذا لحد ال٥٠٠ او ٦٠٠ بعد كدا البطارية تبدا كفاءتها تقل تدريجى لحد ما تبوظ
( طبعا الارقام دى تقريببة علشان تدينا فكرة)

[Anonymous]

شاكر جدآ ليك
انا نزلت بوست
يسعدني لو تقراه

[AhmedShoaeb]

عفوا تحت امرك
حاضر هيبقى شرف ليا انى اقرأه

[Anonymous]

تسلم يا باشا