لما اشترى جهاز و اكتشف ان فيه عيب فى الصوت صدى صوت فى كل المكالمات بعد اقل من يوم من شراء الجهاز و ارجع لفرع سامسونج و اسلمهم الجهاز بعد تجربة التليفون و وضوح العيب و يستلمو منى الجهاز و اطلب منهم استرجاع الجهاز و اخد فلوسى او استبدل الجهاز و يكون قرار الشركه برفض الاستبدال او ارجاع المبلغ و ان الجهاز سليم و بعد تبليغ جهاز حماية المستهلك بالمشكله يكون رد سامسونج عليهم ان الجهاز سليم طيب استلمتوه منى على اى اساس مفيش مصداقيه لشركة سامسونج وانا عملت محضر و هروح النيابة بكره و هعمل بلاغ و مش هسيب حقى سامسونج مصر فقدت المصداقية
حضرتك حقك انك ترجع الجهاز او تستبدله خلال ١٤ يوم(فى القانون الجديد بقت ٣٠ يوم) من تاريخ الشراء بشرط وجود المنتج بنفس حالة الشراء ، كمان حضرتك بتقول ان المنتج به عيب صناعة فلازم يرجع ، ماتسبش حقك اعمل محضر اثبات حالة وشكوى فى حماية المستهلك ( من خلال التليفون وعلى الواتس والفيس ) وارفق معاها محضر اثبات الحالة ، وان شاء الله حقك يرجعلك. بس اوضح حاجة ممكن الفرع ده يكون فيه مشكلة مش لازم نقلل من شركة كبيرة زى سامسونج علشان تصرف فردى من فرد في فرع او حتى فرع كامل ، وياريت توضح اسم الفرع علشان محدش يتعامل معاه وتعمل شكوى فيهم من خلال الخط الساخن او ممكن تبعت اميل لسامسونج كوريا وهم هيتعاملوا. وياريت تبلغنا بالمستجدات وربنا معاك وحقك يرجعلك .
