رسالة sms

[mohdd0x]

كل فترة بلاقي ٥ جنيه بتتخصم من رصيدي على مختلف الشبكات ولما دورت لقيت ان في رسالة تلقائية بتتبعت على الرقم دا، واتضح انه رقم هندي، فكرت ان ممكن له علاقة ب اني مثبت السوفتوير الهندي على جهازي

ده تبع ايه وامنع الحوار ده ازاي 

[تعالي]

❤❤

[ZIADWALID]

​الحوار ببساطة في السوفتوير الهندي اللي على موبايلك. النظام ده متبرمج خلقة إنه يبعت رسايل SMS مخفية في الخلفية لسيرفرات في الهند عشان يأكتف بعض الخدمات هناك (زي خدمات جوجل أو حساب سامسونج).
​بما إنك مركب شريحة مصرية، شركات الاتصالات بتاعتنا بتلقط الرسايل دي وتعتبرها "رسالة دولية"، وبتقوم لاسعاك 5 جنيه في كل رسالة.
​المشكلة الأكبر إن الموبايل بيفضل يحاول كل شوية، كل ما يحتاج يأكد التفعيل يروح باعت رسالة تاني في الخباثة من غير ما يجيلك إشعار، وتلاقي رصيدك عمال يتشفط على الفاضي!
لو استفدت من الرد دوس
Accept Answer ❤️
عشان اخواتك يستفادو

[mohdd0x]

طب وليها طريقة اقفل بيها الحوار ده

[ZIADWALID]

ترجع السوفت المصري

[RamyELGammal]

هو السوفتوير الهندى كده
بس الرسالة بتكون لمره واحده فقط مع كل استعادة ضبط مصنع او عند مسح الداتا لتطبيق الرسائل المستخدم