السلام عليكم ورحمة الله تعالى و بركاته،، اليوم راح نطلع برا المجرة إلى جوال آخر من أبل،، أيفون 14 برو ماكس 
الجوال هذا يعتبر طلع من فترة وانا ما سويت له مراجعة،،ولكن حاليا سويت له مراجعة.. يلا!!،، الجوال هذا يعتبر من الفئة الرائدة ونزل في 7 سبتمبر 2022 زي المكتوب في الصورة،، وزن الجوال هو 240 جرام ويعتبر ثقيل شوي بسبب المواد المستخدمة في صناعة الجهاز،،
الجهاز يستخدم gorilla glass ولكن مش معروف نوعها وموجودة في كل الجهاز،، الجهاز مقاوم للماء بمعيار IP68 (ولكن: نصيحة لك لا تغرق الجهاز في الماي حتى لو كان جالكسي برضوا حتى لو أي نوع من الأجهزة) نكمل،، شاشة الجهاز 6.7 إنش وتعتبر صغيرة بالنسبة للمنافسين زي الجالكسي اللي وصل 6.9 إنش في جهاز الجالكسي نوت 20 الترا ولكن الأس 23 الترا كان 6.8 إنش،، معالج الجهاز هو APPLE A16 bionic اللي يعتبر قوي ويقدر ينافس الجالكسي اس 23 الترا بمعالج الsnapdragon 8 gen 2 الجديد،، ولكن رامات 6 جيجابايت ما تكفي يا أبل لأن الجالكسي اس 23 الترا صار 12 جيجا وطالع وتخزين 256 جيجابايت وطالع، يعني ليش؟؟ التخزين 128 جيجابايت حتى 1 تيرا بايت،، وبدون micro sd،، زي اللي متعودين عليه في الشركات،، الجهاز يعتبر كويس ولكن سعره جلطة على الخفيف 1099 دولار امريكي،، لازم تبيع كليتك علشان تشتري الجهاز 🤣🤣
