Active Level 3

 

#حكاية_قلم
القلم قال للورق تعال نكتب كتاب 
رد الورق .. 
وقالو مش أنت قلت مليت من العتاب
والحبر عندك له ثمن . ومش هيكون يوم تراب 
والفكر عندك ألف خط وخط . يرتفع لسحاب
والحقيقة يوم ما تنكتب .. تظهر تبان وسط الضباب 
والزمان ده تنسكت فيه الأنامل عن الكتاب 
ايه يا قلم .. ايه يا قلم 
ما ترسا على خط في كتاب 
أو ترسا على أى كلمة و تقول سلام
وتعال بات .. وسيبك من الحكاوي و انسَ الكتاب 
رد القلم .. وقال أحكي لك. يمكن معالمى معاك تبان 
قلبي وجعني. ..
حبري هجرني 
واتجردت أفكاري مني ..وقلت كفياك يا قلم 
أوعاك في يوم تنكسر ...
أوعاك تنحصر فيك المعاني .. 
وتنسى إللى كان وتقول دا كان
الحق أنت تكتبه وتعلنه وسط الأنام 
الحق صوت صرخته . تعدي بيها ألف مكان 
الحق أنت تغزله في ألفين كتاب 
أفكاري هتنتفض وتنسطر على كل باب .
رد الورق .. وقال ابدأ يا قلم من أول السطر . ..
أكتب يا قلم على كل سطر .. 
راح أساعدك كل ما تخلص 
وهقول كمان . وهقول كمان .وهقول كمان 
اكتب يا قلم.. وهقول كمان 
#مي_فايز

 

2 التعليقات
Beginner Level 4
ممتاز💜💜
رد
جارٍ التحميل...
Expert Level 5
روعه تسلم إيدك 👍
رد
جارٍ التحميل...