تعديل* تم استرداد المبلغ

[HKSAM]

في موقع سحب مني مبلغ ٥ دولار اي ما يعادل ١٦ ريال وهال الشيء صار في الانستغرام حساب منشن لي وقال ربحت ايفون دخلت الرابط بالغلط وسحب مني المبلغ اسم الموقع PCNINJA PRO Com + الموقع قالي ٥ ايام ويوصلك الجهاز فهل يسحبوا علي وكيف ارد المبلغ ؟

[Kassim_01 · Accepted solution]

انا ما الي خبرة في هذا الموضوع لاكن المفروض ان هذي المواقع غير رسمية و غير مضمونة و يكون اغلبهم هكرز و متصيدين لو تم سحب المبلغ و ما تم ارجاعه و ما وصلك شي جرب تبلغ عن الموقع لأنو ممكن تكون هذي احد النواقع النصابة

[ŚóHãrdŤòßè · Accepted solution]

الله يعوضك خير .. هذا إحتيال
ولكن الأهم هو كيف سحب المبلغ منك ؟
من رصيد بالهاتف؟ أو انك ادخلت بيانات بطاقة البنك بالرابط ؟
اذا رصيد الهاتف لاعاد تعيدها وتدخل روابط
وتأكد من ملفات الجهاز اذا فيه شي غريب تم تحميله
أما اذا بيانات البنك سجلتها فإتصل على البنك لعلهم يتداركون المشكلة

[HKSAM]

من بطاقة البنك وانا الغيتها والصراحة انصدمت لما خصم مني والله يجزاك خير على المساعدة

[sahharkoo · Accepted solution]

إذا من بطاقة البنك اتصل على البنك والغي البطاقه مباشرة

[Alkhaldi164 · Accepted solution]

هذا احتيال مشهور ومنتشر عالمياً وما فيه إمكانية لاستعادة المبلغ إلاَّ إذا تعاون معك البنك ولكن ما يلزمه ذلك لأنك باختصار أجريت عملية الدفع بنفسك ، يعني تقنياً ونظامياً العملية صحيحة ،

لكن نصيحتي لك تلغي البطاقة فوراً عن طريق تطبيق البنك أو الاتصال بهم لأن هؤلاء المحتالين سيكررون السحب منك بعد أيام فاحذر .

والحذر مستقبلاً من استخدام البطاقة في النت إلاَّ بشروط/

تكون بطاقة مسبقة الدفع فقط تغذى برصيد قليل لعملية شراء محددة ثم يرجع رصيدها للصفر ، والحذر الحذر الحذر من استخدام بطاقة فيزا من نوع السحب على المكشوف أو استخدام بطاقة الصراف الآلي العادية (مدى)

الاستخدام في المواقع المشهورة والموثوقة فقط وليس كل موقع يصلح للشراء منه .

وكل طقة بتعليمة
وكل شيء يتعوض إن شاء الله

[HKSAM]

هذا كان غلط مني كان من البداية لازم اطلع من الموقع والمشكلة الانستغرام متصفح حقه سيء ما حفظ بيانات التسجيل يعني حاليا معلومات البطاقة عندهم وما اقدر اشيلها والغيت البطاقة من Stc pay ويعطيك العافية على المساعدة

[FAHA0 · Accepted solution]

اتذكر مره كلمت البنك بخصوص ان في موقع ماقدرت أعرف اي موقع بالضبط يحاول يسحب مني فلوس ، ووقتها البطاقة ماكان فيها رصيد ، على طول بلغوني بأن الرسايل تجي من موقع أمازون وسألوني اذا تبي تجدد معهم او تلغيه وبلغت البنك اني بلغيه ومن نفسهم ألغوا اشتراكي مع أمازون من خلال البنك وبدون ما أرجع للموقع

الفكرة هنا حتى لو الموقع مشهور أعتقد تقدر ترجع للبنك وتلغيه من عندهم ، وانصحك ما تتعامل مع المواقع المشبوهه

والمبالغ اللي انسحبت صعب ترجعها وأنصحك مادام سحبوا فقط ١٦ ريال اسحب بطاقتك من عندهم

[HKSAM]

يعني اقدر اتواصل مع Stc pay ويرجعلولي المبلغ ؟ للعلم الموقع نفس حق الواتس اب الي اربح جهاز و ١٠٠ آلاف ريال و زي كذا وما اقدر اشيل بيانات البطاقة المسجلة عندهم

[FAHA0]

ما اعتقد stcpay بيرجعون لك المبلغ ، لكن في أسرع وقت اذا قدرت تشيل بياناتك من الموقع حلو ، واذا ماقدرت اتصل على stcpay وبلغهم بالموضوع