تحليل للوضع من وجهة نظرى

[RamyELGammal]

اعتقد كده على أد فهمى وتقييمى للوضع اللى بقينا فيه واللى ظاهر فى كل الفئات ولكن بتجلى اكثر فى الفئة المتوسطه والاقتصادية ان دى نتيجة تغير سياسة الشركة منذ ثلاث او اربع سنوات بالضبط الى 

اغلى تسعير اعتمادآ على الاسم والصيت مع اقل اقل اقل تكلفة انتاج ممكنة .

العتاد اصبح ضعيف جدآ وبشكل غير مسبوق لدرجة انه مش قادر يستحمل او يجارى التطور اللى بيحصل للسوفت 

جوجل كل اقل من سنة بتنزل نسخة اندرويد احدث وكل الشركات بتشتغل عليها وواضح جدآ اننا اصبحنا غير قادرين نجاريها والهاتف يدوب بيكون معقول مع النسخة الاولى اللى نزل ببها ومع اول ترقيه الاداء بيبداء يقع وطبعآ الوقوع درجات حسب الفئة ومع كل ترقية هتقع حته تانيه وتالته 

اذاى عتاد هاتف يتكشف ويتحول لكده مع اول ترقيتين والمفروض انه لساله اربعه مثلآ ، سرعة النزول دى هتبقى وضع كارثى فى الأخر .

اعتقد انهم لازم يعيدوا دراسة الوضع يا العتاد يتعدل وانا استبعد حدوث ذلك يا اما يخففوا شوية الواجهة اللى كانت على مدار السنين الماضية اكتر ما يميزهم وبما انهم مبقوش حابين يصرفوا غير على السوفت فقط ( لانه الارخص فى المنظومه ) يبقى يشوفولنه واجهة خفيفة تقدر الهواتف بشكلها و ضعها الحالى انها تشغلها .

يعنى انا عشان اسوق لمنتج انا عارف انى مكلفه اقل تكلفه اقوم اوعد ب6 او 7 ترقيات لاغراص تسويقية بحته ومن تانى او تالت سنة بالكتير قوى يتكشف ويقع اداءه وعايز تكمل على كده ببقى ده الغباء بعينه على فكرة .

[thestriker7680]

حتى في نقطة التحديث دي سامسونج بردو تحديثاتها بطيئة على عكس جوجل وأبل اللي تلاقيهم التحديث يوصل لكل الأجهزة مرة واحدة
وسامسونج مش بتربح كتير من الهواتف الاقتصادية والمتوسطة
لو سامسونج شايفة عشان تزود الربح تسترخص في المواد اللي بتستخدمها بالرغم انها الفئة الأكثر مبيعا يبقى الأحسن أنهم يسيبوا الفئة دي خالص لأنه فعليا سامسونج بتدمر سمعتها وتخلي المستخدمين يتجنبوا سامسونج بالكلية عشان التصور العام عنها
وتحاول تركز على الجودة في المنتجات اللي بتنتجها لأن حتى الفئة العليا بدأت بردو تعاني من مشاكل في التحديث

[RamyELGammal]

اتفق معاك فى كل ما تقول عدا ان مكسبها الاكبر هو بالفعل من الفئة المتوسطه والاقتصادية وليس من هواتف الفلاج زى ما البعض بيعتقد
احنا اصبحنا اضعف استقبال شبكة وهى من زمان كده بس كنا بنقول عشان اشتراطات الصحة ولكن بالشكل ده بقى كتير جدآ ده انت اكنك عامل وضع الطيران عدا اماكن قليله و محدده
اصبحنا اضعف بطارية وسرعة شحن
الشاشات فقدت ميزتها فى تشبع الالوان شاشة ال 52 اس افضل وبكتير من شاشة 56 لو جنبنا موضوع شدة الاضائة
الكاميرات نفس الشئ
الاجزينوس اصبح اكذوبة ومش قادر يشد العربية
الواجهة تقطيع وتهنيج وخروج من تطبيقات
الحرارة اتعدلت شوية بفضل تحسن الطقس ليس اكثر

[AnasHaytham]

موضوع الأداء انا مش حسو مع تليفونى حاسس انو لسة جلو اوى بس موضوع البطارية ده مقرف جدا ومش معقول بعد كل تحديث يحصل مشكلة وأحتاج أغير الروم ولا أفرمت

[RamyELGammal]

انا اختلف معاك ومش شايف انها موضوع بطارية فقط بل شايف ان الاداء كله فى النازل
الهاتف معاتش قادر يعمل اللى كان بيعمله بشكل مرضى مع اندرويد 14 زى مثلآ انت دلوقتى مش قادر تقعد تبروز على يوتيوب ساعة و نص لان الهاتف بيولع وبالذات لو انت على داتا
نفس الشئ لو متعود تشير على سكرين يدوب تلت ساعه ويبداء التقطيع وساعات بيخرجك من السمارت فيو
فى تقطيع غبى وملحوظ فى كل الانيميشن تقريبآ
وطبعآ ده غير البطاريه اللى بقت كوم لوحدها
ال 52 اس على آخر ترقية ليه اللى هى كانت 14 كان بيعمل من 9 الى 10 ساعات سكرين اون
ال 54 على تانى ترقية ليه اللى هى اندرويد 15 اخره كان 6 ساعات ونص
ولما صبرنا ونولنا اترفع الرقم الى 7 ساعات مع اندرويد 16 وانا تقريبآ مكتفها

[AnasHaytham]

انا تقريبا معنديش اى مشاكل فى الأداء اللى كان بيعملو قبل كدة هو اللى بيعملو دلوقتى و ب العكس السخونة عندى بقت طبيعية اكتر من الأول بس بجد موضوع البطارية عندى خنقني بشكل وحش اوى

[RamyELGammal]

خلاص لو البطارية هى مشكلتك الوحيده غيرها

[AnasHaytham]

الموبيل بقالة سنة واحدة بس بطارية اية هو فى كدة

[manalfou]

طيب ايه تليفون أندرويد كويس وعالي غير سامسونج

[RamyELGammal]

للاسف انا بقالى سنين طويله بستخدم سامسونج فقط وما جربتش حاجه اخرى فى الفتره الماضيه

من حيث التسعير تقريبآ الكل افضل
قارن مثلآ ال هونور ماجيك 8 برو
بأعلى فلاج شيب في سامسونج وشوف انهم تقريبآ نفس المواصفات ولكن بنص السعر