تحديث امان يونيو M31

[Anonymous]

نزل النهارده تحديث امان لشهر يونيو ومعاه اضافة الكليبورد للوحة مفاتيح سامسونح الاصلية بتاعت التليفون و تعديل علي الكويك شير

المستخدم من الرام قل فى حدود ٢٠٠ ميجا .

[he82]

استاذ رامي بعد السلام هو التحديث ممكن ينزل لm30s

[Anonymous]

وعليكم السلام
قصدك اني تحديث والتليفون عليه انهي سوفت ؟
اعتقد ان ده ما نزلش مصر فا لازم يكون عندك بتاع بلد تاني

[Amira-elnagar]

صباح الخيرhe82  مع حضرتك  اميرة من سامسونج مصر

بنشكرك جدا علي طرح سؤالك

في البدايه بعتذرلك جدا علي المشكله اللي واجهتك

بناء على سؤالك 

التحديث لاندرويد 11 تم في جهاز 

جالاكسي M30s(مارس 2021)

فى حاله أن حضرتك مفعل التحديث التلقائى ولم يصل التحديث للجهاز

وفى حاله أن الجهاز من خارج مصر 

أستأذنك فى التوجه لاقرب مكز صيانه للتمكن من فحص الجهاز 

تقدر تتعرف على أقرب مركز صيانه من خلال  الرابط الاتي:
https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن و 

موجودين تحت أمرك وفى خدمتك فى أى وقت 

شكرا لحضرتك و لوقتك

[MohamedWael1]

هو انا ممكن أوصل لل quick share ازاي لو سمحت

[Anonymous]

لو قصدك علي الصورة اللي نزله ليها فوق
الاختيارات دي لم تكن متاحه قبل التحديث لما ينزلك امان يونية هتكون معاه وهتلاقيها من الضبط ثم خصائص متقدمه

[MohamedWael1]

لسه نازلي تحديث أمان يونيو من يومين ومش موجوده تليفوني a20s

[Anonymous]

لا با فندم انا بتكلم علي ام ٣١
ودي حاجه بتختلف من تليفون للتاني اكيد في المستقبل هتنزلك مع تحديث مدام مش عندك

[MohamedWael1]

تمام شكرا لحضرتك وآسف على الإزعاج

[Anonymous]

عفوآ
مفيش ازعاج ولا حاجه 😉

[Amira-elnagar]

مساء الخير يا فندم مع حضرتك اميرة من سامسونج مصر

بنشكرك جدا على طرح سؤالك وبنتمنى لحضرتك يوم سعيد

بناءا على سؤالك

التحديث الامنى

SECURITY PATCH ليس له موعد محدد لاصداره 

أستأذن حضرتك فى تفعيل التحديث التلقائى وفى حاله اصدار أى تحديث للجهاز هيتم نزوله عند حضرتك 

لو فى أى سؤال تانى عند حضرتك ممكن توضحهولنا 

واحنا تحت أمرك فى أى وقت وفى خدمتك دايما 

شكرا  لحضرتك ولوقتك