السلام عليكم ورحمه الله وبركاته
يارب تكونو بخير جميعا
حابب أشارك تجربتي لمدة يومين مع واجهة ONE UI7
في البداية انا كان معايا موبايل
Samsung A25 وكنت مستني تحديث Ui7 دا جدا ولما عرفت انه هيتاخر وان كمان الواجهة اصلا تقيلة لاني كنت علي رامات ٦ جيجا ف قررت ابيعه واجيب
A36 8Ram 256
دي صورة موبايلي والموبايل دا نازل باندروايد ١٥ واجهة UI 7 علي طول
عشان مطولش علي حضراتكم هقول مميزات وعيوب الواجهة بشكل مختصر
المميزات:
* ثيم جديد وأصوات جديدة تحفة بجد هتعجبكم اوي
* اخيرا good lock هيشتغل علي الواجهة لكل الموبايلات ومعاك ثيمات بقي وخلفيات وايقونات وحركات تلعب فيهم براحتك
* الواجهة بتدعم الذكاء الاصطناعي سواء ف الصور أو الفيديوهات أو حتي التطبيق بس علي ما اعتقد دا هيكون لموبايلات معينة بس مش كله
* البطارية اتحسنت كتير بس نصيحة من اخوكم بعد التحديث اعمل ضبط مصنع....
وفيه مميزات تانية لسة بكتشفها
نيجي بقي للعيوب :
*واجهة One Ui 7 تقيلة عايزة رامات مش اقل من ٨ الصراحة عشان تبقي سلسة معاك ، انا 8 جيجا رام ومعالج سناب دراجون ٦ ولاقيت الواجهة ساحبة ٤ جيجا و ٦٠٠ لوحدها من مساحة الرام ...
* زرار الباور لما تضغط عليه عشان تقفل أو ترستر تليفونك هتلاقيه فتح google Gemini وهتاخد وقت علي بال ماتتعود عليه ..
بس دا اللي لاحظته لغاية دلوقتي ولسة لما اكتشف حاجة جديدة هبلغكم
