الناس اللي متبعاني عارفة اني معايا M51 واني هجيب الايفون ١٣ برو ماكس من خارج مصر السعودية وفعلا وصل بالسلامة ودي اول تجربة ليا كنظام الايفون ..
من غير كلام كتير الفرق بين نظام الاندرويد وال ios زي الفرق بين السماء والأرض زي الفرق بين المشرق والمغرب بالظبط
المقارنة بينهم حرام شرعا
نظام ال IOS نظام معقد ومش سلس لكن يحسسك بالنزاهة والثراء الفاحش اللي انت بقيت فيه 😅
كأنك كنت بتنام في شقة أوضة وصالة ، وفجأة بقيت بتنام في قصر ، اه والله دا الفرق فعلا 😂😂😂
واجمل حاجة وانت بتحمل برامج السوشيال ميديا علي موبايلك ، مساحتها كبيرة جدا وبال ٢٠٠ وال ٣٠٠ ميجا ودي حاجة مفرحاني فشخ 😂😂 بس لازم تحط فيزا مشتريات في اب ستور عشان ٧٠٪ من التطبيقات فيه بتحتاج شراء تقريبا ..
والايفون طلع بيسخن جامد جدا وانت بتلعب نفس السخونية اللي كانت في M51 ويمكن اكتر والله منها ودا طلع شي عادي في الموبايلات اللي فيها البروسيسور قوي ، عشان كنت مفكر أن الموضوع دا عيب ومطلعش عيب ..
عايز شوية نصائح بقي للناس اللي معاهم ايفون الأثرياء جدا اللي زي حالاتي 😂😂😂😂😂
طبعا ما لازم الفرق بينهم يبقي فرق السما والارض 😃 متنساش ان الايفون بيجي بمعالج ال a15 bionic بينما ال m51 شغال بال 730g وكمان ال optimization بتاع ال ios ودعم المطورين للتطبيقات افضل ونفس الامر ينطبق بالنسبة للسخونة لان معالج الايفون اقوي بس انتا قلبك ميت عايز شوية نصايح للناس الي معاهم ايفون في ال samsung members 🤣 بس بعيدا عن الهزار الف مبروك علي الايفون واتمني تكون مبسوط بالتجربة بتاعتة انا واللة لولا اني بتخنق من ال ios كان زماني جايب ايفون زيك
مقارنة حضرتك هي اللي حرام كان لازم يكون معاك اس ٢٢ الترا عشان تقارن .الايفون مفهوش فئة اقتصادية وانت كان معاك فئة متوسطة وبتقارنه بفئة عليا. وانا في رائي الاس ٢٢ الترا يكسب
مع احترامي لك بس انت مينفعش خالص تقارن تقارن موب فئه متوسطه من ٢٠٢٠ و تقارنه ب ايفون ١٣ قارنه بالاس ٢٢ الترا كنت هتقول الفرق م بينهم زي الفرق م بين ال BMW و المرسيدس الاتنين بيقدوموا حاجات جباره بس انت ع حسب احتياجتك ف الاخر
بس انا معيا الايفون ١١ و هو حلو انا مثلا بلعب لعبه انا عندي اب علي الموبيل بيعرف درجه حراره الموبايل قد ايه انا عندي لما بتوصل على 39 باقفل الموبايل خالص لمده نصف ساعه علشان البطاريه ما تبص واستنى لما النصف ساعه تعدي افتحي الموبايل ولا ايه زي الفل
مساء الخير يا فندم مع حضرتك اميرة من سامسونج مصر بنشكرك جدا على التواصل معنا نستاذنك لو عند حضرتك اي سؤال ممكن توضحة للتمكن من مساعدة حضرتك واحنا تحت أمرك فى أى وقت وفى خدمتك دايما شكرا لحضرتك ولوقتك
