إلغاء
إظهار نتائج لـ 
البحث بدلاً من ذلك عن 
هل تعني: 

الموضوع الأصلي:

برنامج مفيد جدآ وآمن

(أُنشأ الموضوع في: 06-21-2022 01:21 AM)
RamyELGammal
Expert Level 5
خيارات
اخرى
البرنامج ده كويس جدآ ومفيد لأشياء كتيره بيتيح لك تغيير كتير من اعدادات الاندرويد الرئيسية وبالذات لحاحات كانت بتحتاج لروت .
زي مثلآ وليس حصرآ لانه مليان بالامكانيات :

انك تقفل الرام بلس لو مش محتاجه او بالعكس تزود المساحة المتاحه ليه او تغير القيم الثابته اللي سامسونج محدداها مسبقآ .
لو الهاتف مش بيظبط تردد الشاشة غير بين ٦٠ و ١٢٠ وانت محتاج ال ٩٠ لاداء افضل من ال ٦٠ وفي نفس الوقت موفر في البطارية عن ال ١٢٠ .
لو عايز تغيير اللوان او حجم اشياء كتير في الهاتف زي الاضائة الجانبية مثلآ .
لو في سينسورات بعينها محتاح تقفلها بدل ما تقفل الكل .
لو محتاج تغير نغمة او اهتزاز حاجات كتير زي فتح وقفل الهاتف بداية ونهاية مكالمة .
وده جزء بسيط جدآ من الموضوع .

التطبيق من جوحل بلاي :

كل اللي بتحتاجه انك تفتحله اوتسمحله تغيير الاذن ده
Write secure settings
وده بيكون من خلال اوامر ADB
وتكون فاتح من اعدادات المطور تصحيح اخطاء USB
واللي معندوش كمبيوتر في بديل سهل جدآ بتوصيل هاتفين ببعض بكابل الشحن وقطعة OTG .

والامر بالضبط :
pm grant by4a.setedit22 android.permission.WRITE_SECURE_SETTINGS

ممكن تاخد الامر كوبي بيست .
مرفق اسكرين من الرام بلس بعد ما قفلته عن طريق اني خليت القيمة صفر والهاتف عمل اعادة تشغيل والصفر ثبت
ومرفق اسكرين من الاذن بعد ما اتفتح للتطبيق عشان محدش يقلق .

اضافة قيمة جديدة لم تكن في الهاتف وهي ال ٨ جيحا رام .
هاتف ام ٣١
نصيحة : لازم تركز و تفتكر كويس القيمة الافتراضية لأي حاجه ناوي تلعب فيها وتفتكر هي كانت انهي اختيار فيهم عشان لو ما عجبتكش تعرف ترجعها للافتراضي .

التطبيق ده قادر علي عمل اشياء كتيره ومهمه في الواجهه .


image

image



image


image


image







36 التعليقات
Fares_Ard_Sinai
Active Level 1
خيارات
اخرى
طابت يداك اخي اسعد الله قلبك فالدنيا والاخرة
RamyELGammal
Expert Level 5
خيارات
اخرى
جميعإ ان شاء الله
MahmoudYousry
Active Level 9
خيارات
اخرى
بوست مفيد كالعادة ❤️
RamyELGammal
Expert Level 5
خيارات
اخرى
تسلم يا محمود باشا 😘
IsmailSalah
Expert Level 4
خيارات
اخرى
الله ينور يا أستاذنا
RamyELGammal
Expert Level 5
خيارات
اخرى
اشكرك يا استاذ اسماعيل 😘
IME2020
Active Level 8
خيارات
اخرى
الله ينور علي فكره جديده جديده دي حلوه 😍
RamyELGammal
Expert Level 5
خيارات
اخرى
انت فين يا سيدي 😀
وعليك يا هندسه
هو لغة برمجه حبتين بيسمحلك تغيير في قيم كل حاجه علي الهاتف تقريبآ
IME2020
Active Level 8
خيارات
اخرى
موجود والله ياغالي بس مشغول حبه كدا بس تمام حمدالله
هي اساسا خلاص لغه البرمجه هي اساسا دلوقتي تتحكم في كل شي مش بس الفون
عالم تاني والله 😁😁😁