برجاء سرعة الرد

[raniamahamed]

الموبايل لم يمر على شراءه 

شهر وظهرت عدة مشاكل

الاول الشاحن superfast

اتحرق وتم شراء واحد جديد ٢٥٠جنيه

الثانى  كل شوية تظهر رساله refreshing  sim data

الثالث بيتظهر رسالة عند الاتصال فى بعض الاحيان

Not registered network

انا زهقت الصراحة ايه الارف ده

الموبايل A71ق

[Kado14]

الموبايل معايا شغال كويس جدا بصراحه لكن ممكن تروحي الضمان وهتتحل كل المشاكل باذن الله

[smow22]

الحمد لله .بس روح الضمان والشركة هتظبتك.
وممكن تكون عملت فيه حاجة دخل جواه ميه مثلا كدا .

[ahmedmz]

الصراحه سامسونج زي الزفت مش لوحدك

[3mradel]

انا عامل تعليق من ٤ ايام بسال ايه الحلو في A71 انا معايا ومش عجبني خالص ومش في اي حاجه جديده وبزياده عن ده بيسخن
مش شايف اي حاجه تستاهل ثمنه

[Sara-nader]

ًصباح الخير يا أستاذه رانيا  مع حضرتك ساره من سامسونج مصر

بنشكرك جدا علي طرح سؤالك ونتمنى لحضرتك يوم سعيد

فى البدايه بعتذر لحضرتك جدا عن المشكله اللى بتواجهك

بناء على سؤالك من الموضح أن حضرتك بتواجه مشكله فى الشبكه الخاصه بجهاز حضرتك

استأذن حضرتك فى اتباع الخطوات الأتيه للتمكن من المساعده

1-الدخول الى الضبط

2 -اختيار  المزيد

3- المزيد من الشبكات

4- شبكات الهاتف المحموله

5- نمط الشبكة

6- حضرتك بتختار شبكة اخرى غير الشبكة المستخدمة

ممكن نجرب وضع الطيران ثم تشغيله مرة أخرى لتنشيط الشبكة

لو نفس المشكله مستمره

  يرجى  اعادة ضبط المصنع للجهاز.

الضبط

← الاداره العامة

← إعادة الضبط

← إعادة تعيين بيانات المصنع

←إعادة ضبط

← مسح الكل.

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

Samsung smart switch

http://www.samsung.com/eg/support/smartswitch/

ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك