Original topic:

برامج وروتينات للكبار في السن

(Topic created on: 02-13-2024 05:25 PM)
246 Views
SHAHAD500
Active Level 4
Options
اخرى
السلام عليكم ورحمة الله وبركاته 

اليوم رجعت لكم بموضوع اعتقد الكل يحتاجه ومهم فضلت اكتبه عشان الكل يستفيد ان شاء الله يفيدكم...
بدخل بالموضوع على طول عندي شخص كبير بالسن ولا يعرف للبرامج والجهاز وقررت اغير جهازه لبيكسل👏

*ونصيحه اشترو جهاز سامسونج لان جهاز قوقل روتينهم مرره محدود والمساعد محدود🤦‍♀️
لان الجالاكسي يستخدم مساعد قوقل وروتينات قوقل وروتينات بكسبي يعني تستفيد من كل مكان🫠، ومن هنا بديت ابحث عن طرق سهله...

الواجهة

ركبنا لانشر نوكيا ومخصص للكبار بالسن وسوينا حساسية الجهاز مرره ضعيفه بالمس عشان ماتضغط شي بالغلط. 

image



image
فيه عدة واجهات لكن هذي اسهل واجهة

مساعد قوقل الصوتي

 فعلت مساعد قوقل وصرت اشوف روتينها وطريقة نطقها بإستخدام روتين مخصص، سويت لها طريقتين لنطق تقول رقم يسوي الروتين المخصص، ولا اسم عشان اسهل لها استخدام الجهاز:

1) الطريقه الاولى
تقول: 1 "يفتح لها الاذكار "
 تقول: 2 " يفتح لها قناة بداية"

2) الطريقة الثانية
تقول اسم القناة وانتبهوا يفرق اذا حطيتوا تاء مربوطه ولا هاء ولا الف فيها همزة ولا بدون الافضل تحطون اكثر من كلمه.
-----------------------------

لكن اصعب شي كان هو طريقة فتح اليوتيوب للأمر 🫠
المهم بعد تجارب وبحث طويل الحمدلله عرفت🫡 طريقه اليوتيوب تستخدم صيغة معينه وفيه طريقتين:

1) تكتبون اسم الفيديو الموجود على اليوتيوب مع التركيز بالصياغة المخصصه لقوقل

 وهي: (شغل على اليوتيوب قناة الاخبارية مباشر)
 تدرون كتبت "في" او "باليوتيوب" ما ضبطت لازم حرف الجر "على"
 هي نفس امر مسجلينه لروتينات وهذي المشكله بقوقل🤦‍♀️
 وايضاً، ركزو على قناة الاخبارية مباشر.
لازم تبحثون عنهم باليوتيوب وتكتبون الاسم كامل الي مكتوب باليوتيوب عشان يفهم الأمر ولا يعطي عدد فيديوهات ويخليكم تختارون او تضغطون، لاني احتاجه يفتح على طول بدون ضغط اي امر ثاني.

image
طريقة الروتين 
ركزو على الجمله بعد كلمة يوتيوب لازم تصير نفس الي مكتوب باليوتيوب

2) طريقة الموقع تكون كذا صياغتها لكن عيبها في اليوتيوب يطلب تختار الفيديو لذلك افضلها بالمواقع مثل هنا كاتبه رابط موقع عروض سوبر ماركت.

image

والحمدلله ضبطت خاصية قوقل وسويت لها اغلب الاشياء مثل كم مستوى الشحن حطيت امر اسمه كم الشحن وهكذا اشياء عادية بس احاول يفهم كلامها ونطقها عشان يساعدها وماتتخيلون فرحتها لانها تعلمت والى الآن مستمره ادخل فيه اوأمر 🙏🏻

-----------------------------

التطبيقات

1) تطبيق ختمة 

image
يعتبر افضل تطبيق لتذكيرات الأذان وفيه عدت اختيارات للأذن قصير ولا طويل، وهذا الي اعجبني


2) تطبيق آية

image
مناسب جداً لرمضان وسهل بس اعتقد صعب عليهم لان قوقل مايسوي خاصية تشغيل ذاتي للسورة بأوامر صوتية، لكن يعتبر اسهل تطبيق مع الوقت ممكن تتعلم.


 طريقته يقراء السورة وتكرر معه، وتقدرون تحطون تكرار لكل آية، وهذا الي اعجبني فيه👍

 

3) تطبيق وضع القراءة 

 

image
هذا تطبيق من قوقل تقدرون تستخدمونه يقراء بالعربي، اذا مقال او تقرير...
وصراحه انا استخدمه مرره جميل وفيه اوضاع مخصص للقراءة، حتى مناسب للكبار بالسن بس يقراء مثل مقال او اخبار المهم ما تحتوي على صور كثيره.


-------------------

أوامر موجوده بإعدادات سامسونج للكبار بالسن
 

1)قراءة اسماء المتصلين:
image
هذي خاصيه مو موجوده بقوقل وهذا الشي الغريب 🤦‍♀️
 موجوده بأجهزة سامسونج قراءة اسم المتصل

2) قراءة محتوى الرسالة:
image
وهذا من روتينات بكسبي يقراء الرسائل جدا جميل تحددون اي تطبيق يقراء لكم الإشعارات بسماعة ولا بدون وصراحه مفيد مرره يقراء كل الرسالة اول ماتوصل 👏


وبأذن الله بيجي تطبيق مساعد صوتي اسهل من بكبسي وقوقل واعتقد راح يخدمنا اكثر الي هو chatgpt سمعت انه بينزل بعد شهرين.


واتمنى يفيدكم هذي الاوأمر والتطبيقات...
 اذا عندكم تطبيقات او روتين للكبار في السن يليت تشاركوني 🙏🏻

6 Comments
4Salem
Active Level 4
اخرى
شكرا على جهودك 👍🏼
SHAHAD500
Active Level 4
اخرى
العفو🙏🏻
0 Likes
KhalidAA
Active Level 9
اخرى
موضوعك مفيد وفكرته ممتازة وجديدة من جد ابداع
الله يعطيك العافية
اخرى
موضوع
اخرى
ما شاء الله، والله كفو
اخرى
والله موضوع مفيد بمعنى الكلمه👍🏻👍🏻