[اندرويد 11] الوصول الى مسارات obb و data بدون كمبيوتر

[محمدالحربي1]

السلام عليكم و رحمة الله

امس وصلني تحديث اندرويد 11 (OneUI 3.0) على جهازي الجلاكسي اس 10 بلس SM-G975F و بديت احوس فيه و تذكرت زمان قريت هنا ان ماتقدر تدخل مجلدات data و obb بدون كمبيوتر بعد الآن و بعض الناس كانوا متضايقين من الموضوع ف لقيت للمشكلة حل و حبيت اشاركه معكم لعلكم تستفيدون

الوصول الى android/obb

روح ل اي مدير ملفات انت تستعمله علق عليه و افتح معلومات التطبيق و اسمح له بتثبيت التطبيقات المجهولة

"تثبيت التطبيقات غير معروفة المصدر" او ما شابه باللغة العربية

و بكذا بيقدر التطبيق يدخل مجلد android/obb

الوصول الى android/data

ماتقدر تدخل مجلد data من اي تطبيق مدير ملفات بعد الان للاسف لكن فيه تطبيق مدير ملفات المدمج مع اندرويد اللي اغلب الشركات تعطله و مايطلع لك بالشاشة الرئيسية يقدر يدخل لمجلد data بوريكم كيف تسوون اختصار له بالشاشة الرئيسية

تحملون تطبيق اسمه Shortcut Maker

https://play.google.com/store/apps/details?id=rk.android.app.shortcutmaker

التطبيق مفتوح مصدر و بدون اعلانات و مزايا مدفوعة كل مايمكن دفعه داخل التطبيق هو تبرع فقط لمطوره

من داخل التطبيق تدخلون من هنا 

تطلع لكم قائمة تطبيقات انزلوا تحت (ما تستعملون البحث) الين تجدون حرف F و ابحثوا عن تطبيق اسمه Files بعدها اضغطوا عليه و بيطلع لكم كذا

اختاروا ثاني خيار او اي خيار عندكم يكون تحت اسم التطبيق com.android.documentsui.files.FilesActivity

بعدها للاشخاص اللي يعرفون يستعملون Shortcut Maker يمديك تغير ايقونة او اسم الاختصار بس احنا بخليها زي ما هي

نضغط Create Shortcut

يطلع لكم اختصار بالشاشة الرئيسية جديد

اضغطوه و بيفتح معكم تطبيق مدير الملفات المدمج

اسحبوا الشاشة على يمين (او يمكن يسار فالاجهزة باللغة العربية؟) عشان تطلع لكم قائمة الأماكن و اختاروا جهازكم

و من هنا يمديكم تدخلون مسار android/data و تعدلون ف ملفاته

[refah]

يعطيك العافية على المنشور والشرح 💜💜