انا جبت m31 وبيسخن مش طبيعى

[Samsung_ewl9NIX]

انا جبت موبايل m31 من عشر ايام وفيه مشكله انه بيسخن اوووى من الاستعمل اقل من العدى ممكن من مكالمه او لو ع  الواتساب بيسخن لدرجة بيلسعنى وروحت الفرع اليوم الرابع عشان ابدلو قالولى عادى ومعملتهم زباله بجد حد معاه المشكله دى ف نفس الموبايل

[Bassam1997]

بيحصل فى كل التليفونات اللى بمعالج exynos
و بما اننا فالصيف فالموضوع اوفر شوية بسبب درجة الحرارة لكن لما هتبقى فى مكان فيه تكيف مش هيعمل كده لما يسخن منك اوى اقفل التليفون و سيبه لحد لما يبرد و افتحه تانى لان السخونية خطر عالبطارية و المعالج

[Samsung_ewl9NIX]

طب اعمل ايه يعنى كده مش هيبدلوه؟ طيب ومايك المكالمات صوته عندى واطى برضو اللى اكلمه مش بيسمع ده طبيعى برضو؟!!!

[Bassam1997]

روح الشركة لو المشكلة دى هتتحل بسوفت وير ابديت تمام لو مش هتتحل هيغيرلك الجهاز لان ده يبقى عيب صناعه لان اعرف حد معاه الجهاز و معندوش اى مشكلة فالجهاز

[Samsung_ewl9NIX]

عملى فعلا سوفت وير وبضو نفس المشكله

[Samsung_ewl9NIX]

عملى فعلا سوفت وير وبرضو نفس المشكله

[Amira-elnagar]

مساءالخير يا فندم مع حضرتك اميره من سامسونج مصر

في بداية بعتذرلك جدا عن اي مشكلة واجهت حضرتك

بناءا علي سؤالك من الواضح أن حضرتك بتستفسر عن وجود سخونه عاليه فى موبايل حضرتك 

أستأذنك فى عمل الخطوات دى علشان نقدر نحل المشكله الموجوده 

1-قم بالتاكد هل السخونه تظهر عند شحن الجهاز فقط ام عند الاستخدام بشكل عام

2-عند استخدام الجهاز لفتره طويله سوف تحس بسخونه منه يمكن تحملها

3-متاح للجهاز ام لا Software قم بالتاكد هل هناك اى تحديث

4-قم بعمل اعاده ضبط مصنع  للجهاز عن طريق الخطوات الاتيه

1- الضبط 

2-الاداره العامه 

3- اعاده الضبط 

4-اعاده تعييين بيانات المصنع 

5 -اعاده الضبط 

6-مسح الكل 

واستأذن حضرتك قبل البدء في هذه الخطوة, يرجى نسخ بيانات الهاتف.ويمكن تحزينها

من خلال الرابط التالي الخاص ببرنامج Samsung smart switch

http://www.samsung.com/eg/support/smartswitch/

5-فى حالة ارتفاع درجه حراره الجهاز بصوره غير طبيعيه و عدم القدره على لمس الجهاز عند ارتفاع درجه الحراره

يجب التوجه لمركز الصيانه

ولمعرفه أقرب مركز صيانه خاص بحضرتك من خلال الرابط التالى : 

https://www.samsung.com/eg/support/service-center/

و لو في اي مشكلة واجهتك في الفرع نستاذنك بالتواصل معنا و تاكد اننا هنكون مع حضرتك خطوة بخطوة لحد ما مشكلة تتحل

نتمنى حل المشكله عند حضرتك فى أقرب وقت ممكن و

موجودين تحت أمرك وفى خدمتك فى أى وقت 

شكرا  لحضرتك ولوقتك