بعرف ان هالمنشور رح ينحذف ، بس الموضوع صار ما ينسكت عنه 😡😡😡
لاحظت على عدة أجهزة اقتصادية منها القديم و منها الحديث هالموضوع ، جهاز شاشته Super AMOLED و بطاريته 5000 mAh من شو بيشكي حتى ما يدعم AOD ؟
بالله عليكم ، كيف تقدروا تعملوا تمييز بين الأجهزة و تمنعوها من ميزات معينة الجهاز قادر يشغلها بس بحجة ((((( جهاز اقتصادي )))))
اذا أنا دافع حق شاشة AMOLED مشان اشغل عليها Always on display و آخر شي يطلعلي عذر أقبح من ذنب ؟
جماعة A16 و A17 هنن تحديداً اللي فهموا الفقرة فوق اكتر شي ، بربكم من شو بيشكي A16 و A17 حتى ينمنع AOD عليهم ؟؟؟؟
شغلة ثانية
اذا رجعنا بالزمن 8 سنين لورا ، وعملنا مقارنة بين Galaxy J4 SM-J400F و Galaxy J7 Core SM-J710F (( نسخة 3GB RAM تحديداً )) رح نلاحظ ان J7 Core اقوى بحوالي 30% من J4 ، و مع ذلك اذا رجعنا للمصادر رح نلاقي ان J4 ( الضعيف ) استلم Android 10 بينما J7 Core ( القوي ) وقف عند Android 9 ، والسبب ؟ والله السبب هو إن J7 Core اجا اندرويد 7 ، و هو بخطة التحديثات محددله تحديثين رئيسيين ، يعني اندرويد 8 و 9
اما J4 بإجا اندرويد 8 ، و كمان محددله تحديثين ، يعني اندرويد 9 و 10
و ما لازم ننسى كمان ان الجهازين شاشاتهم Super AMOLED
بعد المقارنة ، J4 الضعيف انتهى عند اندرويد 10 ( اما متفهم الموضوع لأن معالجه ضعيف جداً ) و J7 Core الأقوى بحوالي 30% و فيه رامات 50% زيادة ( لأن عندي نسخة 3GB RAM ) انتهى عند اندرويد 9 ، بس ليش ؟
اذا الجهاز الاضعف منه شغل اندرويد 10 ، هو ليش وقف عند 9 ؟ ليش ما استلم 10 و 11 كمان ؟ الجهاز قادر يشغل اندرويد 11 بنفس اداء J4 الضعيف على اندرويد 10 ، و كمان ليش الجهازين ما فيهم AOD مع ان شاشتهم Super AMOLED ؟ بطارية الجهازين 3000 mAh ، ووقتها كانت اكثر من ممتازة ، ليش A7 2017 عليه AOD و هدون لأ ؟ بس لأن بطاريته فيها 600 mAh زيادة ؟ و لا بس لأنه جهاز فئة عليا و هدوك اقتصادية ؟ إذا المستخدم عم يدفع ثمن الجهاز كاملاً ليش هيك بتردوله ؟ انا عم حالي كسرت حماية الـ J7 Core و ثبتت Custom ROM مع AOD حتى فش خلقي بس هيك جكارة باللي قرر يمنع AOD عن الجهاز
بتمنى تصلحوا هالأغلاط الفادحة بتحديث One UI 8.5
و آسف عالإطالة
والله كنت مشتهي فش خلقي هيك من زمان😂
و برجع بأكد معرفتي التامة بأن المنشور هاد رح يحذفه Samsung_expert
