اقراوها 🤎🥺. _____________ = " إني أخافُ أن يَمَسَّك عذابٌ من الرحمٰن " -آسفة مشوفتش الرسالة غير حالًا.. مزعلتيش صح؟! آية؟ - يابنتي ردي بقا متبقيش غلسة.. آياااااااـة! "" فات ساعتين علي معاد الرسالة ولسة مفتحتش بعتلها تاني "" - آية المفروض ان حضرتك تبقي صاحية دلوقتي الفجر بيأذن أهو... ردي عليا بقا يا بنتي..! - هصلي سنة الفجر لو رديتي عليا علي فكرة وهخليكي تاخدي ثواب! _ لا رد _ _ آية صاحبتي من 3سنين...اتقابلنا في درس عربي.. في 3ث.... وقربنا من بعض جدا... ودخلنا نفس الكلية كمان.. من سنتين آية قربت من ربنا... بتحاول معايا بكل الطرق اني البس فساتين، بس انا مرتاحة في البناطيل اكتر،، ممكن اقول برضو اني بصلي بسببها،، لولا رسالتها ليا وقت كل فرض اني اقوم اصلي مظنش اني كنت هحافظ علي الصلاة،، عقدة حياتها مروان.. بحبه اوي.. بس هيا مصرة ان ده مش حب... وان كلامنا حرام،، مش هنكر انها قسيت عليا اوقات بس معظم الوقت لينة معايا جدا... وده اللي مخلينا مكملين في كل حاجة... وخلاني ابطل كلام معاه... وبدعي وهيا بتدعيلي انه يكون من نصيبي... منكرش برضو اني بتريق علي لبسها اوقات كتير وعلي جمالها اللي دارته تحت النقاب،، بس هيا جميلة حتي في النقاب سبحان الله،، هنزل بكره اروح ليها احاول اراضيها بأي شكل... لو عرفت اني مرديتش علي الرسايل بسبب الاغاني اللي كنت بسمعها هتقفش فهحاول أفلت منها بأي شكل ان شاء الله وأفرحها اني صليت الفجر بالسنة منمتش قبله زي كل يوم... وهوعدها كمان اني هحافظ عالفروض والله بس المهم ترد عليا بقا _ تاني يوم قومت بدري علي غير العادة... كانت الساعة 10 لبست وعرفت ماما اني رايحالها... ووافقت... - ازيك يا طنط صباح الخيرات * صباح القمر يا قمر - فين آية؟! * لسه نايمة، انا كنت لسه هدخلها دلوقتي ادخلي شوفيها.. - فوريرة.. - بقا أنا تتقمصي مني يا بنــــت! "" لقيت آية قاعدة في ركن المسجد بتاعها... ومصحفها في ايدها...حسيت بغيرة مش هكذب عليكم... نامت وهيا بتقرأ قرآن... ابتسمتلها.. وقربت علشان اصحيها...بالراحة علي عكس نيتي خالص.. - آية..اية يلا قو.. _ هي ايدها متلجة ليه كده _ - آية حبيبتي انتي تعبانه... اصحي.. _ دخلت مامتها علي صوتي _ * مالها آية؟ - شكلها تعبانه يا طنط.. * آية قومي يا بنتي علي سريرك طيب.... _ طنط مسكت ايديها ودموعها بتنزل _ * اوعي توجعي قلبي عليكي يا بنتي... اوعي ... وحضنتها وهي بتعيط اوي... انا في دموع بتنزل من عيني و عماله اضغط علي ايدها... - مش هتمشي وتسيبيني يا آية مش هتمشي صح _ صريخ مامتها رن في الاوضه وثواني _ ""صوت الخبط علي عالباب،، الجيران جم... واختها الصغيرة شوفتها بتجري تفتح الباب.. .سمعت صوت رجاله برة... والستات دخلو علينا... "" _صرخوا جامد... زعقت فيهم بعلو صوتي _ - بس بس بالله محدش يصرخ حرااام... متعذبوهااش.. مامتها بصتلي قالتلي * لا لا لا اا د دي دي تعبانة... شوية بس... وهتقوم دلوقتي... * قومي يا حبيبتي يللا علشان الضُحي... _ قربت من مامتها وأخدتها في حضني _ ... قولتلها اثبتي.. كانت بتعلمنا الثبات... "" هزت دماغها.. وفضلت تكرر انا لله وانا اليه راجعون.. انا لله وانا اليه راجعون"" - صدقوني انا نفسي مستغربه صبري في الوقت ده... بس كلامها كان في بالي وصوتها بيتردد جوايا... " أنا حاسة اني هموت في العشرينات يا سارة والله ... نفسي ربنا يتوفاني وهو راضي عني... ياااه لو اموت وانا ساجدة.. او وانا بقرأ قرآن... ينهار ابيض يا جدعان... هيبقا يوم فرحي والله يابنتي" كنت بقولها بعد الشر عنك.. يا حلوفة متجيبيش سيرة الموت.. ترد تقول " الموت عمره ما كان شر يا سارة.. دا أول يوم لقا بحبيبك... وان كانت روحي بس الللي هتصعد عند الله عز وجل.. مش جسدي كله ولا هشوفه زي الجنة... بس برضو ياااه " - يا آية اخرسي بقا والله هزعل... = "متزعليش ياستي حقك عليا وبعدين شوفتيني مُت.. ولا هعرف اوصل للدرجة دي... يا بنتي حسن الخاتمة ده لا يناله الا الصادقين... بصت للسما وهيا بتقول وانا نفسي اكون منهم اوي يا سارة.." ** _ فوقت علي صوت والدها وهو جايب الدكتور.... كان بيبكي بكسرة يتم... كأنها أمه مش بنته،،.. كان لسه هيقول للدكتور ادخل.. قولتله ثواني بالله عليك يا عمو... لقيت نقابها علي التسريحة... لبستهولها ودخلو... احنا كنا متأكدين انها ماتت.. بس مش قادرين نصدق...عاوزين اي امل... دخل الدكتور وقال انها ماتت من 7ساعات... بعد ما بعتتلي الرسالة بنص ساعة..!! = " إني أخافُ أن يمسَّك عذاب من الرحمٰن " - ياااااه يا آياااااـة!! جم يشيلوها علشان يغسلوها... مكنتش عوزه اسيبها... بوست ايدها ودماغها وحضنتها... سبحتها كانت ملفوفه علي معصم ايدها اليمين شيلتها ولفيتها علي ايدي.. وحضنتها اوي.
