السؤال الذي يطرح نفسه

[ShaikhFarisKilani]

هل حقاً أضافت سامسونج ميزة تحديثات الأندرويد لمدة 6 سنوات كتطور جوهري، أم لتغطي على غياب التطورات الجوهرية في تحديثاتها الجديدة وهواتفها الجديدة؟!

[RamyELGammal]

مجرد تغطية ليس فقط لعدم وجود اضافات جوهرية كما تشير و لكن فى الاساس تغطية على نزول العتاد و مستوى الهاردوير كثيرآ

ولكن تبقى نقطة ايجابية ومهمة وهى
التحديثات الأمنية سواء شهرى او ربع سنوى وخاصتآ للى بيستخدم الهاتف فى شغل او عمليات ماليه

[ShaikhFarisKilani]

أحسنتَ القولَ يا أستاذ رامي.

[RamyELGammal]

ده بالاضافة لنهج جديد بقاله فتره
ان لو فى اضافه بيكون قصادها ازاله او نزول
مثال : اضافة شاشة الخصوصية مؤخرآ فى احدث موديل قصادها على طول نزول فى جودة ومستوى السماعات ومساحة الشاشة بالنسبة للهاتف زائد نزول جامد فى عدد دورات شحن البطاريه عن الموديل اللى كان قبله مباشرتآ

[ShaikhFarisKilani]

بالفعل، وما لم ينتبه إليه الكثيرون هو ضعف ميزة **مقاومة الانعكاس**.

[النجم_الثاقب]

"تحليل في الصميم.. دي سياسة 'الاستبدال الذكي'؛ الشركة بتديك ميزة سوفت وير مش مكلفاها حاجة تقنياً، وبتاخد قصادها جودة حقيقية في الهاردوير زي جودة الصوت أو خامات الشاشة أو حتى عدد دورات شحن البطارية (Battery Cycle Life). للأسف معظم المستخدمين بينبهروا بالواجهة والميزات الجديدة ومش بياخدوا بالهم إن 'جوهر' الموبايل بيقل كفاءة عن الإصدار اللي قبله. دي معادلة ربحية بحتة بتخلينا ندفع أكتر في قيمة حقيقية أقل."

[النجم_الثاقب]

"أتفق معاك، الموضوع فيه جانب تسويقي كبير لتعويض 'الركود التقني' في الهاردوير. سامسونج وغيرها بقوا بيلعبوا على وتر 'الاستدامة' لأن القفزات في الكاميرات أو المعالجات مبقتش ضخمة زي زمان. التحدي الحقيقي مش في عدد السنين، التحدي هو هل الموبايل هيفضل سريع ومستقر بعد التحديث الرابع أو الخامس ولا هينتهي به المطاف كـ 'خردة برمجية'؟"

[ShaikhFarisKilani]

إنَّ حديثكَ صحيح، ولكنَّ هذا النهجَ التسويقيَّ لا يلائمُ شركةَ "سامسونج" على وجه الخصوص، لا سيما في ظلِّ التطورِ المتسارعِ للشركاتِ الصينية؛ فهذا النظامُ هو مضمارٌ لم تبرع فيه سوى شركةُ "أبل" فحسب.

[النجم_الثاقب]

"نقطة جوهرية فعلاً. الفرق أن أبل هي اللي بتصنع المعالج والنظام (إغلاق كامل للبيئة البرمجية)، وده بيخليها تقدر تطول عمر الجهاز. لكن في عالم أندرويد، سامسونج بتحاول توازن بين استقرار النظام اللي بتشتهر بيه وبين ضغط الشركات الصينية اللي بتقدم عتاد جبار بأسعار أقل. التحدي فعلاً هو هل 'الاستقرار الأمني' و 'قيمة البراند' كافيين لإقناع المستخدم إنه يضحي بمواصفات أقوى عند المنافسين؟"

[RamyELGammal]

اللعبة دى فى يد سامسونج وبتلعب بيها كما ينبغى الحقيقة 😀
مثال : ال ايه 54 بمعالج اجزينوس 1380 قالوا انه لا يحتمل اكثر من اربع ترقيات يعنى يكون اخره اندرويد 17
فى حين ان هاتف ايه 35 نازل بنفس المعالج وهيوصله 18
زائد اللعب فى مفاتيح المعالج بمعنى انك لو اختبرت الهاتفين على انتوتو مثلآ تلاقى الارقام بتختلف وطبعآ بالزيادة لل ايه 35 مع انه نفس المعالج لكن مقفول عليه هنا ومفتوحله هناك