التليفون لما يقدم شوية سعره بينزل طبعآ بس كان للاسف بيترفع بيعه من الاماكن اللي الناس بتعتبرها مضمونه كا جهة شراء
دلوقتي انا كنت صدفه اول امبارح في فودافون فرع سموحة الاسكندرية وشفت الموديلات دي موجوده لسه للبيع بأسعار قليله جدآ .
وهشارك معاكم الفكره ممكن تفيد حد
دلوقتي لما حد من الموديلات دي لا قدر الله شاشته تتكسر بنلاقي سعر تغيير الشاشه فقط تقريبآ مقارب للاسعار اللي شوفتها في فودافون يبقي الاحسن بدل ما تغير الشاشه تجيبه تاتي كله جديد بنفس سعر الشاشه تقريبآ وممكن اقل يعني انا اغير شاشة ايه ٣٠ مثلآ ب ١٥٠٠ جنيه ولا بالمبلغ ده اشتريه كله تاني جديد !!
طبعآ مش كل الفروع عارضه نفس الاجهزه لانها بتنفذ ومفيش استعواض عشان مفيش انتاج جديد ومش معقول هتلف تدور في كل الفروع لكن من خلال خدمة العملاء بالتليفون بتطلب من اللي بيرد عليك يشوفلك مثلآ موديل تليفون معين موجود لسه منه استوك في انهي فرع وبيدور عنده وبيقولك في الفرع الفلاني
الكلام ده متاح لشركات المحمول الاربعه وطبعآ بي تك سيليكت موبيل شوب وهكذا الاماكن اللي الناس بتعتبرها مضمونه لوجود فاتوره ضريبيه .
انا اسف يا سامسونج والله بس المنفعه العامه تحكم 😊
