Original topic:

التحديث الاخير

(Topic created on: 09-22-2021 05:52 AM)
61 Views
NOURalsma
Active Level 4
Options
اخرى
  • التحديث الاخير بتاع شهر اغسطس دمر الجهاز والله بقا تقيل وبيهنج وحاجة بقت زفت كرهني ف الموبايل والله .. يا ريت يكون فيه حل من الشركة لان بالوضع ده الموبايل بقا عبء على مستخدمه
14 Comments
elmasrykareem
Active Level 5
اخرى
والله العظيم انا زيك بالظبط ومش عارف اعمل ايه
heroone
Active Level 8
اخرى
تحديث شهر ٨ خلى الشبكة غير متاحة ولما روحت التوكيل قالى محتاج تغير صب(الجزء السفلى من البوردة) ، روحت نزلت سوفت هندى بتحديث شهر ٩ والحمد لله الشبكات اشتغلت بس للاسف الهزاز مش شغال غالبا الموتور اتحرق
NOURalsma
Active Level 4
اخرى
هندي وعايزه يظبط 😁😁😁
0 Likes
heroone
Active Level 8
اخرى
على فكرة السوفت الهندى كويس جدا وحسن من اداء البصمة بنسبة كبيرة ، وحسن من اداء الكاميرات خاصة الماكرو ، بالاضافة الى الاختيار بين خاصية مكالمات الفيديو من الخط او جوجل ديو ، فضلا عن مستكشف المكالمات(حاجة شبيه بالترو كولر مدمجة فى برنامج الاتصال ذاته), وتطبيق سامسونج pay , privte share بس مجربتهمش .
العيب الوحيد ان شال التقويم الهجرى فقط ودا بيتعوض ببرنامج.
واهم حاجة ان خلى الفون يجيب شبكة ووفر عليا تغير قطعة التوكيل قالى لا تقل ٦٠٠ جنية .
هاتفى s10lite.
NOURalsma
Active Level 4
اخرى
انت كده بتشجعني اجربه .
لكن السوفت ده مش بيخرج الفون من الضمان !؟
heroone
Active Level 8
اخرى
العفو يافندم
حضرتك انا لجأت للسوفت الهندى لاصلاح مشكلة كانت موجودة وكانت هتكلفنى فلوس وفونى كان خارج الضمان لمرور اكثر من عام عليه وكمان سوفت التوكيل لم يحل المشكلة. لكن لو مكنش فيه مشكلة مكنتش هغير السوفت لانى لا احبذ تغيير سوفت وير المصنع حتى لو سوفت من التوكيل حرصا لتجنب مشاكل الهاكرز والاختراقات.
اما بخصوص الضمان لا اعلم ان كان تغيير السوفت بيخرج من الضمان ام لا.
NOURalsma
Active Level 4
اخرى
طب وبالنسبة لامان الهاتف .. انت مطمئن له ولا محاولتش تتاكد !
معلش هحاول استفيد من معلوماتك قدر حاجتي واكون شاكر لك جدا 🌹
0 Likes
heroone
Active Level 8
اخرى
العفو يافندم ، حضرتك احنا هنا على المنتدى بنحاول نساعد بعض قدر الامكان.
انا نزلت السوفت وير من موقع سام موبيل ودا موقع مشهور انه كويس وعليه رومات رسمية لجميع موديلات سامسونج ومحدث باستمرار بالاضافة ان لدى برنامج مكافى الحماية المتكاملة النسخة المدفوعة ولم يظهر اى شئ خطأ.
heroone
Active Level 8
اخرى
الامان فى الاول والاخر بيد الله سبحانه وتعالى ، والحذر شئ واجب.
الهواتف الحديث اى كانت سواء اندرويد او ايفون يمكن ان يتم اختراقها وسرقة بيانتها حتى ولو مثبت عليها افضل برامج الحماية لان نظام التشغيل ذاته بيسمح للتطبيقات ان يكون لها صلاحية الوصول لاستخدام المايك والكاميرا والموقع ، ...الخ بالاضافة الى تسجيل بيانات الاستخدام وعند اصابة اى تطبيق يمكن سرقة بيانات الهاتف والتحكم فيه.
زيادة على ذلك ان جوجل نفسها بتجمع معلومات وابل وكذلك سامسونج ومعظم شركات الهواتف واحيانا بيحصل تسريب من عندهم لبيانات العملاء ( مثل ايميلات اصحاب الهواتف) ودا فى حد ذاته كارثة .
دا غير ان باقى التطبيقات العادية مثل الفس بوك اللى بيستخدم جميع الصلاحيات حتى بدون استخدام ويمكنك تجربة ذلك من خلال الحديث عن سلعة معينة والهاتف بجوارك وعند فتح تطبيق الفيس بوك سوف تجدين ما كنت تتحدثين عنه.
الفكرةمن برامج الحماية انها بتمنع عدد كبير من الهجمات الالكترونية والفيروسات اللى اى حد ممكن يتعرضلها يعنى بتحمى بنسبة ٩٠% مثلا .
افضل حاجة للحماية هى عدم وضع اى داتا مهمة على الهاتف ، عدم التحدث بكلام خاص بجانب الهاتف ، تغطية كاميرا الهاتف فى المنزل للحفاظ على الخصوصية.
طبعا سياسات الخصوصية واتفاقيات الترخيص لانظمة التشغيل والتطبيقات فى اوروبا بتكون مختلفة تماما (اكثر امانا وحفاظا على الخصوصية) عن هنا وباقى دول العالم