حبيت افتح موضوع قلت اسلم عليكم اولا و نحرك المنتدى قليلا..
اشتريت سابقا جراب سيليكون اخضر للفولد ٣ من موقع سامسونج السعودية اول ما نزل(حاليا مخلص ستوك في الموقع) لأني كنت متابع المراجعين خارج المملكة عن الكفرات و اكسسوارات الفولد ٣ و كنت متأكد ما راح يعجبني الحافظة الجلدية مع قلم اللي بتجي مع الفولد عند الطلب المسبق بسبب ردائة التصميم و بشاعته ..
المهم اني بعت الحافظة الجلدية اللي جت مع الجوال و اشتريت جراب سيليكون لون اخضر ..و اقول لكم الجراب السيليكون من اجمل ما استخدمت على جوال من سنوات ، لون مميز جميل و خصوصي بالشمس ، و ملمسه بعد اجمل
لكن اليوم وصلني طلبي من امازون ، جراب سامسونج الجلدي اللي يجي قطعتين مو حافظة .. الجراب اصلي ، و صراحة اقولها هو اللي خلاني ادخل اسوي عنه مراجعة و اكتب لكم عنه.
الجراب الجلدي من سامسونج (قطعتين) ، جميل جدا جدا و ملمسه ناعم ، لا يضيف اي سماكة تذكر عالجوال ، حتى اخف سماكة من السيليكون .. الجراب الجلدي قطعتين ، يحمي الجوال من الداخل بملمس مخملي تقريبا لمنع الخدوس عالجوال و يركب و لا اسهل ، لونه اسود و خفته و ملمسه فخاااااااامة من الآخر.
انصح اي مستخدم لجوال سامسونج فولد او غيره ، يدور جراب جلدي ، يشتري الةصلي لأنه صراحة متميز و فاخر و افضل بمئة مرة من التقليد اللي يجي بلاستيك و عليه تلبيسة جلدية ، التقليد يزيد سماكة ، ملمس مقبول و لو انه لا يقارن بالاصلي ، و فوقها يجي بلاستيك من الداخل يخدش اطراف الجوال لو تحرك الجراب عند الفك او مع وضعه بالجيب ..
للآن انصح بنوعين من الجرابات
١. الجلد قطعتين الاصلي
٢. السليكون الاخضر الاصلي .
صراحة افضل جرابات استخدمتها لجوال من سنين ، لكن برضه قريبا بشتري الكاربن فايبر الاصلي ARAMID من سامسونج و بشارككم ملاحظاتي عليه .. كنت سابقا استخدمته لسنة على فولد ٢ و ناوي اكررها مع فولد ٣ قريبا بس انسى ثمن الجراب الجلدي ههه
و انت ايش استخدمت جراب لجهازك فولد ؟ شاركنا تجربتك .
