Original topic:

ازاي اعرف الهاتف اصلي ام مقلد😀😀

(Topic created on: 03-20-2022 08:11 AM)
171 Views
Möhāmĕď
Active Level 4
Options
اخرى
تعالوا نكمل النصائح عند شراء هاتف جديد خاصه سامسونج!!
انا تكلمت المره السابقه عن الفاتوره الضريبيه واهميتها وبرشام الهاتف!!
تعالوا بقا نتكلم في حاجه هي محيره ناس كتير ودايما بتبحث عن ذالك!!! وهي معرفه الهاتف اصلي ام مقلد هل هو سامسونج اصلي ام نسخه مقلده !!
باختصار شديد جدا
هتاخد الرقم المسلسل الخاص بالجهاز سواء من ع العلبه او تخرجه من الجهاز وتاخده وتدخل ع هذا الموقع
وبعد ذالك تكتبه في الخانه دي وسوف يخرج لك بيانات خاصه بالهاتف وجميع صفاته !
ركز معايا بقا!!
إن الموقع اخرج لك clean اي هاتفك نظيف واصلي 
وان اخرج لك Black last اي هاتف نسخه مقلده وليس اصلي وهو موقوف وليس من الشركه الاصليه
أما ان اخرج لك refrubished أي هاتف اصلي ولكن معاد تصنيعه يعني كان فيه عيب ورجع الشركه تاني واتعمل له اصلاح للمشكله ونزل السوق تاني والمفروض انه يتباع بسعر ارخص ولكن التجار لا يفعلون ذالك طبعا!!!
فأحذروا من هذه الامور جيدا وافحصوا الهاتف قبل الشراء وقبل فتحه من خلال الرقم المسلسل الخاص به فأن وجدتموه clean فأشتروه وانتم مطمنين لذالك بعيد بقا انه فيتنامي او كوري او هندي في الاول والاخر كلهم واحد وما فيش اي فرق خاااالص وكلهم اسعارهم واحده وكله خارج من الشركه الام وهي سامسونج ولكن الاختلاف فقط في التحديثات يعني النسخ الهندي بيوصل لها التحديثات قبل الفيتنامي ب ١٢ ساعه او يوم واختلاف بلد المنشأ في امر التحديثات فقط ولو كان كله بلد منشأ واحد كان هيكون الضغط رهيب جدا ع الشركه في اصدار التحديثات ع السيرفرات الخاصه بها وكانت هتواجه مشاكل كبيره لكن لما تنقسم ع كذا دوله يبقا الامر عادي بالنسبه لها!!
وبس كده خلي بالكم من النقط دي كويس جدا جدا جدا
والموقع ده موثوق وتحت اشراف الاتحاد الاوربي

image
اهم شيئ الكلمتين اللي بالاخضر دول وحده خاصه بالضمان والتانيه خاصه بحاله الجهاز


image
اكتب هنا الرقم الخاص بالجهاز واضغط ع المربع اللي تحته ايضا


8 Comments
محمدA73
Active Level 7
اخرى
طبعا كلامك صح ميه بلميه بس زياده بلنسبه للمستعمل اهم حاجه حتى لو من غير كارتونه سريال الجهاز مطابق لسريل الضهر مفيش جهاز تجميع بيكون السريل مطابق مستحيل ده اولا
وبلنسبه للاجهزه استيراد الخارج حلوه وكل حاجه وتمام بس ياريت تدخل حول الهاتف وتشوف الحاله ولازم تكون رسمي
لان لو مكتوب الحاله مخصص معنى كده انه كان انجليزي ونزله سوفت عربي وفي الحاله دي استحاله الشركه هتبعتلك تحديثات للنظام لان بيكون سريل الجهاز سقط من على السيستم عندها ومش بيرجع تاني محدش يقول هرجع الجهاز زي مكان طالما اتعمله سوفت جديد خلاص
Möhāmĕď
Active Level 4
اخرى
صح كده تمام👏👏👏
محمدA73
Active Level 7
اخرى
حبيبي تسلم😍
hanykhalaf
Active Level 6
اخرى
شكرا لحضرتك على المعلومة القيمة دايه...
Möhāmĕď
Active Level 4
اخرى
العفو ع ايه
hanykhalaf
Active Level 6
اخرى
عندى سؤال لحضرتك بالنسبة للقائمة السوداء العالمية
بيتم إضافة التقرير التليفون ليها دلوقتى ولا عند فقد الجهاز لا قدر الله ..كما فى الصورة المرفقة
Screenshot_٢٠٢٢٠٣٠٨-٠٧٣١٢٢_Chrome_16325_1646718323.jpg
Samah-Ahmed
Expert Level 5
اخرى

مساء الخير يا فندم

مع حضرتك سماح من سامسونج مصر

بنشكرك جدا على مشاركتك معانا

وبنتمنى لحضرتك يوم سعيد

نتمنى ألاجهزة تنول اعجاب حضرتك 

ولو عندك أى استفسار 

هتلاقينا موجودين تحت أمرك فى أى وقت

شكرا لحضرتك ولوقتك

0 Likes
hanykhalaf
Active Level 6
اخرى
مساء الخير حضرتك
بالنسبة للقائمة السوداء كما فى صورة بيتم إضافة الجهاز بغد سرقته لا قدر الله ولا بيتم دلوقتى Screenshot_٢٠٢٢٠٣٠٨-٠٧٣١٢٢_Chrome_16325_1646718323.jpg
0 Likes