- دلواقتي انا اشتريت تليفون كان عليه قفل بحيث إنه يستخدم في الهند بس و هو
samsung galaxy m32 5g
و المفروض ان عشان اعرف احط فيه خط مش هندي و اعرف استخدمه عادي في دولة برا الهند ، المفروض اركب خط هندي و اعمل مكالمة لمدة ٥ دقايق و بعد كدا هيتغتح عادي ، هو جالي مفتوح بالفعل و الدنيا تمام و دلواقتي عارفة احط فيه خط مصري عادي و استعمله . بس في حاجات كثيرة غريبة و كأن التليفون بيتعامل مع حد هندي مع إن الدولة في حساب سامسونج و حسابات جوجل و جوجل بلاي هي مصر ، و مع ذالك بحسه دايما بيدي اختيارات مخصصة للهنود بس ، مثلا في برنامج سامسونج فري ،
اقسام الاخبار عبارة عن رياضة ، تكنولوجيا، علوم و كذا قسم عام جدا ثم تلاقي الهند، و حتى لو شيلت الهند من الأقسام و اختارت مثلا تكنولوجيا و أي قسم تاني، يجيبلي اخبار ليها علاقة بالهند ، زي الممثل الهندي فلان عمل كذا و الحكومة الهندية عملة كدا و هكذا .
حتى اللغات المتوفرة في البرنامج عبارة عن انجليزي و لغات هندية أو لغات معينة بس من المنطقة هناك ، لكن مثلا مفيش عربي ، مفيش فرنساوي ، مفيش كوري و لا صيني و لا اي لغة ثانية
مثال تاني برنامج samsung wallet
نزلته أنهاردة و قولت هسجل فيه كروت البنك بتاعتي أو أي كرت معايا ، لقيت كل الاختيارات للبنوك ، بنوك هندية تقريبا، لكن ملقيتش بنك مصري ولا حتى عربي
، الحوار داه بيحصل كثير جدا في الحاجات المقدمة من سامسونج ، حتى حاجة صغيرة زي الاخبار البتتعرض على شاشة القفل من برا ، الأسمه
glance on samsung
في اعدادات شاشة القفل ، بيعرض اخبار و حاجات ليها علاقة بالهند بس ، لو اختارت توبيك الاغاني يجيبلي اخبار مغنين هنود و لو اختارت رياضة يجيبلي اخبار الرياضة هناك و هكذا و انا عايزة التليفون يبقى شخصي أكثر من كدا لان كدا معظم الخصائص مش هقدر استخدمها ...
هل فيه طريقة اني اخلي التليفون مصري؟ أو يجيب اخبار مصر و كدا بدل ما هو جابرني اعرف اخبار دولة تانية؟و لا الموضوع داه ملهوش حل ؟ و هل لو عملت إعادة ضبط مصنع ، التليفون هيتقفل تاني و هحتاج خط هندي تاني عشان افتحه و لا عادي مش هيتقفل تاني؟
اسفة على الإطالة و شكرا مسبقا
2 Solutions
Accepted Solutions
