اخيرآآآ بقي في حل لرسائل العروض والرصيد

[Anonymous]

 اللي متابع المنتدي هنا من زمان عارف وشاف منشورات قديمة كتيره ليا من ايام اندرويد ١٠ لمحاولات كتيره بردو للتخلص من رسائل العروض والرصيد اللي بتسيب الشاشة منورة طول الليل لحين الضغط علي ألغاء ، والحقيقة كل المحاولات دي فشلت والوضع مكنش بيتغير توصل الرسالة وتظهر علي شاشة القفل وتفضل الشاشة منورة ان شالله ل ١٠ ساعات .

الجديد بقي

في اذن جديد تم اضافته مع اندرويد ١٣ وهو اذن خاص بأنارة الشاشة الوصول ليه من خلال الضبط ثم التطببقات ثم الثلاث نقاط ثم اذونات خاصة هو موجود هنا .

من خلال هذا الاذن تقدر تمنع اي تطبيق من انارة الشاشة وبالتالي اصبح الوضع عندي بعد قفل الاذن لبعض التطبيقات ان الرسالة اياها دي توصل وشاشة القفل تنور ويظهر المحتوي وبعدبن الشاشة تطفي تاني حسب المدة اللي انت ظابطها للشاشة وما تنورش تاني غير لما انت تغتحها سواء بالبصمة او بالنقر المزدوج او بزر الباور ثم تلاقي الرسالة موجودة زي اي تنبيه ما شوفتوش .

طبعآ الحل ده مش هيفيد غير اللي علي اندرويد ١٣ والاحدث

بس ممكن يفتح المجال للي علي اندرويد اقل اذاي يلجم التطبيقات دي او بالاستعانة بتطبيقات خارجيه اذاي يمنعها من التحكم في انارة الشاشة ممكن بال ADB مثلآ .

للاسف انا عشان كده حليت مشكلتي فا ما عنديش حماسه للبحث فيما يخص الممكن عمله لاندرويد ١٢ او ١١ .

التطبيقات اللي تقفلها اذن انارة الشاشة هي :

Sim toolkit واحد واتنبن لو موجود

Cell broadcast service

Dsms

Enterprise sim pin service

IMS service

Mms service

Messages

Emergency SOS

Samsung push service

Phone services

بالطريقة دي انا خلصت الحمد لله من النوع ده من الرسائل .

[hmm_28]

فعلا اكتشفتها بالصدفة فعلتها شغالة 👍

[hmm_28]

وعليك 🌹

[Eng-jeanrami]

استاذ رامي ممكن تقولي الطريقه بال English
!?

[Eng-jeanrami]

Thx u ❤️❤️🙏🏻

[Future2Day]

شكرا لحضرتك يا أستاذ رامى

[Future2Day]

جهدك ووقتك ومشاركتك ليهم تقدير يا أستاذ رامى

[Basem75]

شكرا جزيلا على المجهود

[مصطفى086]

بوست رائع استاذ رامى 👍 كل عام وانت بخير

[Emadinho]

جربتها كذا مرة ولاسف مش شغاله . مع اني محدث لاندرويد ١٣ مخصوص عشانها