اخر مرة نتعامل مع سامسونج

[Anonymous]

الجملة دي بقت منتشرة بين المستخدمين بكثرة بسبب تأخير التحديثات وعدم الالتزام بالمواعيد المعلنه وعدم الاعتذار عن خلف الميعاد وبدون ابداء اي اسباب منطقيه للتأخير ده .

لازم نكون متأكدين ان هواتف سامسونج حلوه او علي الاقل هي افضل الموجود حاليآ ومن كذا سنة فاتت

لو انت كا مستخدم مش بتحب ال IOS وبتتخنق منه زي حالاتي يبقي تاني سامسونج افضل الموجود بالنسبة للاندرويد .

المشكلة مش في سامسونج المشكلة في الوكيل ( او الوكلاء ) المصرى والموضوع ده ليه حلول بدل ما تخسر هاتف كويس عشان حاجه بسيطه

انا مش عارف ليه الناس ماسكه في السوفتوير المصرى !!!

عندك ٣ دول في اسيا سوفتوير ممتاز بدون مشاكل التحديثات بتوصل قبلنا بشهر وشهر ونص وعليها تسجيل مكالمات رسمي زي المصرى .

ولو التسجيل مش فارق عندك كل السوفتوير الاوروبي ممتاز برده ونفس الشئ للتحديثات .

طريقة تركيبه علي الهواتف سهلة واغلبيتنا هيقدر يعمله بنفسه في البيت .

وده سوفتوير رسمي لسامسونج يعني الهاتف يفضل رسمي بالنسبة لسامسونح ومرخص بالنسبة لجوحل وكل الخدمات تشتغل عادي زي المجلد الأمن السامسونج باس السامسونج هلث الي اخره وتستقبل تحديثاتك الهوائيه عادي وقت صدورها للبلد اللي هتختاره .

ونرتاح من سوء المعامله ده وكمان يبقي اداء الهاتف واستقبال الشبكات افضل .

الموضوع بسيط ومش مستاهل حد يزعل نفسه .

[محمود_فرج]

بالظبط وياما عملناها لكن المرة دي اصلا اندرويد ١١ كويس ومفهوش مشاكل عشان اتصرف بقول عادي نستني كمان اسبوع او اتنين

[Anonymous]

طبعآ حرية شخصيه
وفي ناس فعلآ بتصبر وفي ناس بتبقي مضايقه
وكده كده بغض النظر عن مواعيد التحديث فرق الاستخدام كبير وانت بتقول مجرب يبقي عارف
تحياتي

[KarimMohammed]

تمام منتظرين بفارغ الصبر شرح تنزيل الروم

[Anonymous]

نزلتها

[Basem75]

معلش سؤال حضرتك،
فرق الاستخدام كبير ازاي يعني، يعنى بيبان في ايه مثلا ؟؟
شكرا جزيلا

[Anonymous]

ارسال واستقبال الهاتف في المكالمات
نفس الشئ لاستقباله الواي فاي
يعني الشبكات افضل
هتشعر ان الهاتف اكتر سلاسه
والحاجه يتجرى معاك
بطارية ادائها افضل
تطبيقات مقفوله للسوفت المصرى هتلاقيها متاحه ليك
معالجة السوفت للصور افضل بكثير وبالذات للتصوير الليلي
لو الهندي يالذات هتلافي تطبيق بتاع سامسونج نفسها نازل في اعدادات العناية بالجهاز يوفرلك مساحات عن طريق ضغط التطبيقات الغير مستخدمه ومسح كل الكاش اللي علي الهاتف في توقيت معين انت بتختاره

[Hossam111]

معلش يا أستاذ رامي بس هو إزاي السوفت وير بيأثر على الشبكات و مدى قوتها ، اعتقد ده تخصص الهارد وير و بيختلف من موبايل للتاني بناء على قطعة الهارد وير الخاصة بالشبكة

[Anonymous]

اي حاجه في الهاتف بمعني اي حاجه بتعتمد في عملها لوظيفتها علي الهاردوير والسوفتوير مع بعض مش واحد فيهم لوحده
انا عارف ان الناس مستغربه الزميل
IME2020
ابعت اسأله عن الشبكات هو كان علي المصرى ونزل الهندي

[Hossam111]

تمام

[Anonymous]

نزلتها