اخر مرة نتعامل مع سامسونج

[Anonymous]

الجملة دي بقت منتشرة بين المستخدمين بكثرة بسبب تأخير التحديثات وعدم الالتزام بالمواعيد المعلنه وعدم الاعتذار عن خلف الميعاد وبدون ابداء اي اسباب منطقيه للتأخير ده .

لازم نكون متأكدين ان هواتف سامسونج حلوه او علي الاقل هي افضل الموجود حاليآ ومن كذا سنة فاتت

لو انت كا مستخدم مش بتحب ال IOS وبتتخنق منه زي حالاتي يبقي تاني سامسونج افضل الموجود بالنسبة للاندرويد .

المشكلة مش في سامسونج المشكلة في الوكيل ( او الوكلاء ) المصرى والموضوع ده ليه حلول بدل ما تخسر هاتف كويس عشان حاجه بسيطه

انا مش عارف ليه الناس ماسكه في السوفتوير المصرى !!!

عندك ٣ دول في اسيا سوفتوير ممتاز بدون مشاكل التحديثات بتوصل قبلنا بشهر وشهر ونص وعليها تسجيل مكالمات رسمي زي المصرى .

ولو التسجيل مش فارق عندك كل السوفتوير الاوروبي ممتاز برده ونفس الشئ للتحديثات .

طريقة تركيبه علي الهواتف سهلة واغلبيتنا هيقدر يعمله بنفسه في البيت .

وده سوفتوير رسمي لسامسونج يعني الهاتف يفضل رسمي بالنسبة لسامسونح ومرخص بالنسبة لجوحل وكل الخدمات تشتغل عادي زي المجلد الأمن السامسونج باس السامسونج هلث الي اخره وتستقبل تحديثاتك الهوائيه عادي وقت صدورها للبلد اللي هتختاره .

ونرتاح من سوء المعامله ده وكمان يبقي اداء الهاتف واستقبال الشبكات افضل .

الموضوع بسيط ومش مستاهل حد يزعل نفسه .

[Anonymous]

ده الرد اللي جالي علي الخاص بخصوص المنشور ده
قاعدبن بتعملوا ايه مع الفشل الذريع ده !!!

[KarimMohammed]

دي ريبورتات رد آلي تقريبا مش أشخاص

[Anonymous]

للاسف اشخاص بس بتختار من ردود سابقة الاعداد
بالشبه كده يعني 😀

[KarimMohammed]

اه زي شركة وي كدة 😂

[Anonymous]

😀😀👍
تمام

[KarimMohammed]

أنا عن نفسي نفسي اجرب السوفت الاوربي بس عندي خبرات سابقة مع شاومي كنت دائما بحط رومات معدلة بس بصراحة مقلق اجرب في سامسونج خايف ابوظ الموبايل لأن الحوار مش بالسهولة دي خالص خصوصا لو انت النور قطع عليك فجأة أو الكمبيوتر رستر أو قفل فجأة كل دي مخاطر تعرض الموبايل للهلاك بمعني الكلمة
كانك ماسك حديدة مش تليفون
عشان كدة أنا مضطر استني الهوائي اللي واثق من انه هيتاخر جدا علي بال مايوصل

[Anonymous]

هفترض معاك ان ده صحيح في حالة قطع كهرباء يبقي ده قضاء وقدر زي ما الهاتف ينط من ايدك لوحده وبتحصل كتير وينزل ٣ حتات 😀
خلي الكهرباء تقطع براحتها ما تقلقش كل ده ليه حلول وسهله برده
يا سيدي جهز حاجتك من نسخة والكلام ده علي فلاشه وروح لاي حد عنده لاب لو معندكش ويكون مشحون

[KarimMohammed]

طب قولي الطريقة ازاي وانا هجرب، وهل ينفع ارجع تاني السوفت القديم الرسمي ولا لا

[Anonymous]

الرجوع متوقف علي الاتي
لو هاتفك خارج من علبته اندرويد ١١ او اعلي يبقي مفيش رجوع للمصرى وصدقني عمرك ما هتفكر ترجع الا لو شارب حاجه 😀
لو خارج من العلبة ١٠ او اقل الرجوع متاح وقت ما تحب