إلغاء
إظهار نتائج لـ 
البحث بدلاً من ذلك عن 
هل تعني: 

الموضوع الأصلي:

اخر مرة نتعامل مع سامسونج

(أُنشأ الموضوع في: 05-15-2022 05:31 PM)
RamyELGammal
Expert Level 5
خيارات
اخرى
الجملة دي بقت منتشرة بين المستخدمين بكثرة بسبب تأخير التحديثات وعدم الالتزام بالمواعيد المعلنه وعدم الاعتذار عن خلف الميعاد وبدون ابداء اي اسباب منطقيه للتأخير ده .

لازم نكون متأكدين ان هواتف سامسونج حلوه او علي الاقل هي افضل الموجود حاليآ ومن كذا سنة فاتت
لو انت كا مستخدم مش بتحب ال IOS وبتتخنق منه زي حالاتي يبقي تاني سامسونج افضل الموجود بالنسبة للاندرويد .

المشكلة مش في سامسونج المشكلة في الوكيل ( او الوكلاء ) المصرى والموضوع ده ليه حلول بدل ما تخسر هاتف كويس عشان حاجه بسيطه

انا مش عارف ليه الناس ماسكه في السوفتوير المصرى !!!
عندك ٣ دول في اسيا سوفتوير ممتاز بدون مشاكل التحديثات بتوصل قبلنا بشهر وشهر ونص وعليها تسجيل مكالمات رسمي زي المصرى .
ولو التسجيل مش فارق عندك كل السوفتوير الاوروبي ممتاز برده ونفس الشئ للتحديثات .
طريقة تركيبه علي الهواتف سهلة واغلبيتنا هيقدر يعمله بنفسه في البيت .
وده سوفتوير رسمي لسامسونج يعني الهاتف يفضل رسمي بالنسبة لسامسونح ومرخص بالنسبة لجوحل وكل الخدمات تشتغل عادي زي المجلد الأمن السامسونج باس السامسونج هلث الي اخره وتستقبل تحديثاتك الهوائيه عادي وقت صدورها للبلد اللي هتختاره .
ونرتاح من سوء المعامله ده وكمان يبقي اداء الهاتف واستقبال الشبكات افضل .

الموضوع بسيط ومش مستاهل حد يزعل نفسه .
35 التعليقات
RamyELGammal
Expert Level 5
خيارات
اخرى
ده الرد اللي جالي علي الخاص بخصوص المنشور ده
قاعدبن بتعملوا ايه مع الفشل الذريع ده !!!Screenshot_20220515-175530_Samsung Members.jpg
KarimMohammed
Active Level 7
خيارات
اخرى
دي ريبورتات رد آلي تقريبا مش أشخاص
RamyELGammal
Expert Level 5
خيارات
اخرى
للاسف اشخاص بس بتختار من ردود سابقة الاعداد
بالشبه كده يعني 😀
KarimMohammed
Active Level 7
خيارات
اخرى
اه زي شركة وي كدة 😂
RamyELGammal
Expert Level 5
خيارات
اخرى
😀😀👍
تمام
KarimMohammed
Active Level 7
خيارات
اخرى
أنا عن نفسي نفسي اجرب السوفت الاوربي بس عندي خبرات سابقة مع شاومي كنت دائما بحط رومات معدلة بس بصراحة مقلق اجرب في سامسونج خايف ابوظ الموبايل لأن الحوار مش بالسهولة دي خالص خصوصا لو انت النور قطع عليك فجأة أو الكمبيوتر رستر أو قفل فجأة كل دي مخاطر تعرض الموبايل للهلاك بمعني الكلمة
كانك ماسك حديدة مش تليفون
عشان كدة أنا مضطر استني الهوائي اللي واثق من انه هيتاخر جدا علي بال مايوصل
RamyELGammal
Expert Level 5
خيارات
اخرى
هفترض معاك ان ده صحيح في حالة قطع كهرباء يبقي ده قضاء وقدر زي ما الهاتف ينط من ايدك لوحده وبتحصل كتير وينزل ٣ حتات 😀
خلي الكهرباء تقطع براحتها ما تقلقش كل ده ليه حلول وسهله برده
يا سيدي جهز حاجتك من نسخة والكلام ده علي فلاشه وروح لاي حد عنده لاب لو معندكش ويكون مشحون
KarimMohammed
Active Level 7
خيارات
اخرى
طب قولي الطريقة ازاي وانا هجرب، وهل ينفع ارجع تاني السوفت القديم الرسمي ولا لا
RamyELGammal
Expert Level 5
خيارات
اخرى
الرجوع متوقف علي الاتي
لو هاتفك خارج من علبته اندرويد ١١ او اعلي يبقي مفيش رجوع للمصرى وصدقني عمرك ما هتفكر ترجع الا لو شارب حاجه 😀
لو خارج من العلبة ١٠ او اقل الرجوع متاح وقت ما تحب