انا واحد من الناس كل احتياجي هو التحديثات الامنية فقط لاغير لو استخدامك مثلآ سوشيال والعاب فقط ومفيش بيانات هامه او تعاملات مادية زي محافظ وخلافه يبقي خليك علي 11
لا طبعآ مهمين انا معاك ان الاندرويد غير الويندوز بس هو في الاخر نظام تشغيل وكل شوية بيظهر فيه ثغرات امنية منها متوسط الخطورة ومنها عالي الخطورة والثغرات في الاخر يعني اختراق وعدم خصوصية
زائد نقطة اخرى برده ليها قدر من الاهمية عند بعض المستخدمين ان في خصائص وامكانيات بتزيد علي النسخة الام مع التحديثات اغلبها مع ترقيات الواجهة وجزء مع التحديثات الامنية منها اللي ملوش لازمه ومنهم اللي مفيدين اتذكر منهم في الثلاث سنوات الماضية علي سييل المثال النقر المزدوج لانارة او اطفاء الشاشة الرام بلس ممحاة الكائن والظل والانعكاس من الصور اضافات للتحكم في نسب شحن البطارية وهكذا
ازي حضرتك انا بالفعل حدثت من ١١ ل اخر تحديث في اندرويد ١٢ وكانوا تحديثين كبار ولكن فؤجت بكذا حاجه مش عارف هل قابلوك قبل كدا ولا لا لا يوجد اي من : التحكم في فتح وغلق الوصول للكاميرا من قائمه الاشعارات او حتي بداخل اعدادات الخصوصيه .. رغم وجود التحكم في الميكروفون
في تعديل الصور لا يوجد ممحاة الكائن ولا الظل والانعكاس ولا يوجد حتي الخاصيه المهمه remaster image
رغم وجودهم في شرح التحديث بوضوح قبل التحديث فهل قابلتك قبل كدا وهل لها حل ولا التأخر في التحديث خلاهم يشيلوا الخواص دي بعد انتهاء فترة الدعايا ليها
بخير الحمد لله اشكرك اولآ ليس كل المكتوب في شرح اي تحديث مضمون ان تلاقيه كله علي هاتفك في حاجات بتكون للموديلات الاحدث او الاعلي بالنسية لل ايه 52 اس والنقط اللي زكرتها فا فعلآ غلق سينسور الكاميرا ما نزلش ولحد ال ايه 54 مش نازل وغير متأكد هل توفر لل ايه 55 ام لا يعني تقدر تقول ان الخاصية دي ما نزلتش لكل الفئة المتوسطه وتم خصها فقط للفلاج شيب وهو الميكروفون فقط اللي توفر لفئة ال ايه خاصية الريمستر نزلت من اول جيل ال Ax3 يعني A33 A53 والاجيال اللي احدث منهم لكن احنا ما نزلتش
ممحاة الكائن والظل والانعكاس موجوده هتلاقيها في الاستوديو متاحه
