Xiaomi smart band 8

[Omar_h_a]

السلام عليكم

يا جماعة انا جبت الساعة ده من امازون من شهر تقريبا عشان استخدمها في التمرين وكانت شغالة كويس ومكنتش بخليها تفصل مني او تتخبط وكنت بتوضا واغسل ايدي بيها وقبل ما انام امبارح كنت سايبها ٥٠% تقريبا صحيت لقيتها فاصلة وحتطها علي الشحن ولما خلصت شحن لبستها وكنت شغال علي الكومبيوتر عملت هزاز وفصلت وكانت سنة اوي ولما شغلتها جابت رسالة تحزير من ارتفاع الحرارة ودلوقتي كل ما اشغلها تفصل 

لو حد اتعامل مع حاجة شبه كده او عنده فكرة عن الموضوع 

[lawren]

بص هو انا معرفش شاومي اوي بس اللي اعرفه ان عيوب بطارياتها كتيرة و هما متعودين يبدلوها

حصل تسريب ماية عادي، ساعات اي فتحة صغيرة رغم أنها ضد الماية تخش و تبوظلك الدنيا، شوف ضمانها قد ايه و متقلقش شاومي متعودة على كدا و تقدر تروح يعملولك البطارية، بس فحالة وجود ماية او تسريب الحقيقة مش عارفة هيتعاملو ازاي تقدر تروح بنفسك تعرف

[Omar_h_a]

فين أماكن توكيلات شاومي في اسكندرية

[lawren]

انا مش من اسكندرية فمعرفش 😂 ، تقدر تشوف على Google maps

[Omar_h_a]

شكرا
طول عمري بجيب الأجهزة من سامسونج اول مرة اتعامل مع شاومي حصل كده

[lawren]

مهو برضو مكنش ينفع ياخدك العشم و تتوضى و تغسل وشك بيها برضوو 🥲

[Omar_h_a]

المفروض ان فيها water proof
وده مش اول ساعة استخدمها واعمل كده

[lawren]

زي ما قولتلك، ساعات اي spaces او اي فتحات فالساعة تأثر و نقطة ماية تبوظلك الدنيا
و مش معنى انها ضد الماية نغرقها 😂

[Omar_h_a]

انا مغرقتهاش ده وضوء ده انا معاي skmei 1299 وبنزل بها البحر وباقالها سنة محصلش اي حاجة ده باظت من الوضوء

[lawren]

خامة مش الطف حاجة، لو تقدر ترجعها رجعها مش كل الساعات خامتها كويسة وانت قولت بقالها شهر، يعني ترجع و استعمالك طبيعي فمظنش هيبقى في مشكلة فالترجيع