Software

[Artist8]

يا جماعة ... محدش أبدأ ينزل software عند حد غير توكيل سامسونج ( أو أيا كان نوع موبايلك ) لأن ده على حسب علمى بيخرجه من الضمان و من دعم الشركة أصلا ... 

[Anonymous]

ده متوقف علي نوع السوفت اللي بينزل
لو نسخة رسمية والبوتلودر مقفول والكنوكس فعال الضمان مش بيتأثر
ده اللي بنعمله احنا بأستخدام الاودبن عشان نحافظ علي الضمان سارى

[Artist8]

أنا معك بس المشكلة أن كتير مش بيعملو كده ... أنا إلى حمسني أنى أكتب الكلام ده بوست تانى هنا ، واحد بيشتكى أن من ساعة ما نزل سوفت وير بره التوكيل و هو بطل يجيله تحديثات .. اللهم لو إلى نزله نزل روم لبلد لسه التحديثات متأخرة عندها .. أو عمل حاجة غلط ... بس غريبة أن مجلهوش تحديث من يناير ولا إيه ... على S10 أعتقد

[Anonymous]

طبعآ هو الخطاء وارد مفيش كلام
المشكلة ان التوكيل مغاله فيه قوي
والموضوع سهل
بس اللي مش فاهم بيبقي مضطر
انا منزل الروم الهندي وببحيلي التحديث الهوائى وقت نزوله الهند
هو كل الموضوع ان اللي بينزلها يكون فاهم
طبعآ في التوكيل نسبة الخطاء اقل في الموضوع ده بتاع اختيار السوفت المناسب للتليفون وطبعآ الحفاظ علي باقي اللي قلنا عليه

[Anonymous]

اقولك علي حاجه تانيه برده بتخليك تلجاء للتنزيل خارج التوكيل
معانا زميل هنا جاب تليفون سامسونج من الاردن باين والموديل ده منزلش مصر فا ملوش نسخه سوفت مصري في التوكيل وما استلمش تحديث من شهر ١١ اللي فات وكان لسه علي اندرويد ١٠
دليته علي السكه والخطوات وكلمني امبارح قالي انه استلم التخديث الهوائي وبقي علي ١١ ولعبة معاه 😀

[Artist8]

👍
هى بينى و بينك حاجة تغيظ فعلا لو واحد جاب تليفون و هو مسافر و نزل به مصر و مش مسافر تانى ، ولا جاله تليفون هدية ( لو حد لسه بيجيب هدايا 😁 ) و بعد كده يتذنب من غير تحديث ..

[MuhammadYosri]

خطأ

[Artist8]

راجع نفس الرد على أستاذ رامى

[MuhammadYosri]

اي حد بتاع سوفت بينزله بعد ما يراجع السيريال

[Artist8]

للأسف ، ما أظنش أن كل الناس عندها ضمير كده ... خالينا صرحا مع بعض ... كده كده أى حاجة عندنا بتبقى سبوبة 😁
و ياما في ناس شغالة فى أى مجال بيجيب فلوس سهلة و مفيهاش مجهود ... عامل زى إلى بيركبو الدش كده ... أكبر دليل أنه بيجى يظبط لك القنوات و هو عامل اللغة صينى أو كورى ، لأنه ببساطة مش هيفهم عربى 😁 ،عشان هو حافظ شكل الكلام بس 😁😁