Original topic:

RCS

(Topic created on: 01-25-2021 09:05 AM)
231 Views
Artist8
Active Level 10
Options
إرشادات المجتمع
الأيام إلى فاتت سمعت عن خدمة رسايل جديدة أسمها RCS و أنها هتكون البديل المستقبلى لل SMS و لما دخلت على Google عشان أعرف إيه موضوع RCS ده ، أكتشف إن جوجل هى إلى عملتها عشان تنافس بها Apple iMessage و تطبيقات المراسلة الفورية زى WhatsApp و غيره ...
قلت طب كويس أخيرا ممكن نشوف تطبيق إفتراضى للرسائل على أجهزة أندرويد زى iMessage كده على الرغم من أنها مش المحاولة الأولى لجوجل ، أقصد hangouts طبعا ...و قبله GTalk ... لكن RCS بيضيف ميزة التشفير بين الطرفين end to end encryption...
و مع قراءة المقال أكتشف إن الكلام ده موجود بقاله فترة ، و أن ده تطبيق الرسائل الخاص بجوجل فعلا و الموجود بقاله سنتين تلاتة ، و أنا عارفه و نزلته كمان قبل كده لما عرفت أنه ينفع أستخدمه للChat ، بس لأنى عارف أن محدش عنده التطبيق فمسحته تانى ، و قلت هو كده كده هيبعت sms فى الآخر ، مش هستفيد من أمكانياته فى حاجة. ... 
لكن أكتشفت إن المفترض فى شركات تانية هتبدأ تستخدم نفس التكنولوجيا على أجهزتها ، و كانت المفاجأة ، إن تطبيق الرسايل إلى عندنا إحنا مستخدمى سامسونج فيه نفس الخاصية دى ، و إنه بيدعم ال RCS ..
حاجة أغرب " و أفضل " من كده كمان إن مش شرط تبعت لسامسونج بس ، أو يكون تطبيق الراسل و المرسل إليه واحد ... زى تطبيق جوجل مثلا .. لحد دلوقت على الأقل .... لأ ..ده إتضح أن مع RCS أنت ممكن تبعت من أى جهاز لأى جهاز زى ال SMS عادى خالص ، ده أنت حتى تقدر تبعت ل IPhone " لما Apple تدعم ال RCS " و تعمل Chat مع مستخدمى iPhone من غير iMessage و لا حاجة ... ( طبعا مستخدم iphone هيستقبل رسالتك على iMessage المفترض ) ...
المشكلة كانت فى حاجتين .. واحدة فيهم إن مش كل شركات المحمول " خارج مصر طبعا " بتدعم ال RCS ..
التانية إن عندنا فى مصر " طبعا " مفيش شركة بتدعم RCS أصلا ... يعنى برغم إن الأجهزة بقالها سنتين على الأقل فيها إمكانية إنك تعمل Chat مع ناس تانية من تطبيق إفتراضى على الجهاز ، بميزة التشفير ومن غير ما تحتاج تحمل تطبيق زى واتساب ولا غيره ، فأنا واحد من الناس و متأكد أن فى كتير زى حالاتى كده مسمعتش عن حاجة زى كده أساسا قبل كده .....
ليه معرفش ....
إحنا عمالين نشترى أجهزة و نتكلم فى إمكانيات تقريبا مش مستفيدين بها فى حاجة ... ده إحنا حتى مش عارفين إيه إمكانياتها أساسا ...
الغالبية العظمى مش بتستخدم تليفوناتها غير فى المزيكا و الفيسبوك و الواتساب ، و لو حد جاب جهاز غالى بيبقى غالبا حاجة من اتنين يا إما هيلعب games ...يا إما ، و أنا آسف جايبه " يتمنظر " به .... مش أكتر ...
10 Comments
AA-BaKKaR
Active Level 6
إرشادات المجتمع
جوجل اتفقت مع سامسونج انها هتفعله على برنامج الرسايل بتاع سامسونج، ومش لازم تكون الشبكه مفعلاه
0 Likes
Artist8
Active Level 10
إرشادات المجتمع
إلى أعرفه إنه لازم تكون الشبكة بتدعم ال RCS ...
بدليل إنك لو حبيت تبعت لحد رسالة و لو متصل بالداتا أو بال WIFI، لما الرسالة تزيد معك عن الحجم المسموح به لل SMS هيقولك إنها بقت رسالة وسائط MMS و ده مش هيحصل لو ال RCS شغالة ...
ضيف على كده إن المفروض يظهر عندك أشعار من تطبيق سامسونج إن الRCS شغالة ...
0 Likes
AA-BaKKaR
Active Level 6
إرشادات المجتمع
جوجل حاولت الأول تشغله عن طريق الشبكات بتاعت المحمول، لما لقتهم مش كلهم مشغلينه، فعلته هي بعيدا عن الشبكات. أنا كان معايا بيكسل وشغال عليه ف مصر
Artist8
Active Level 10
إرشادات المجتمع
و الله !!!....
طب دى حاجة هايلة .... لو كلامك ده صحيح ....
أمال ليه مش شغال عندى 😕 ؟!
0 Likes
AA-BaKKaR
Active Level 6
إرشادات المجتمع
لسه متفعلتش، انا متوقع انها تتم مع أندرويد ١١ اللي لسه منزلش عندي، أو بعده
0 Likes
Artist8
Active Level 10
إرشادات المجتمع
أنا عندى أندرويد ١١ و مش شغالة ...
أمال أنت كنت شغال بها إزاى ، ولا تقصد إنها كانت شغالة معك على pixel و مش شغالة معك على سامسونج؟!
0 Likes
AA-BaKKaR
Active Level 6
إرشادات المجتمع
كانت شغاله على البيكسل ٣ إكس إل وكان نازله أندرويد ١١ من شهر سبتمبر اللي فات. لكن دلوقتى مش شغاله على سامسونج إس ١٠
0 Likes
Artist8
Active Level 10
إرشادات المجتمع
غريبة !!!
0 Likes
Artist8
Active Level 10
إرشادات المجتمع
على فكرة أنا حاولت أعمل كده ، لقيته بيقول إن الشبكة لا تدعم رسائل الوسائط !!!
0 Likes