ازاي شركة سامسونج بتقول علي تطبيق سامسونج ممبرز انك لازم اشحن الموبايل الي ١٠٠ عملت حاجة جديدة في الابديت بتاعة وهو حماية البطارية لحد اما توصل الي ٨٥ %
هما مسكوا العصاية من النص يعني الشحن يفصل عند ٨٥% عشان ما يحصلش انتفاخ للبطارية لما تسيبها طول الليل علي الشاحن الافضل زي ما بقولك اشحن البطارية للاخر بس شيلها من الشاحن بعد كده عشان يبداء التفريغ مباشرتآ
هي الفكرة للبطاريات كالاتي الحرارة هي العدو الاول لاي بطارية ولما بتوصلها بالكهرباء للشحن الحرارة بتزيد فا كل ما هتسيب بطاريتك بعيد عن الكهرباء فترة اطول انت الكسبان واكيد لما تستخدم ٩٠ او ٩٥ % من خزنة البطارية الفترة بين الشحن والشحن هتطول لكن لو بتستخدم ٧٥% من الخزنة هتشحن اكتر
النقطه التانيه لما يكون اخر الشحن ٨٥ وبدايته عند ١٥ او ٢٠ يعني في ٣٥% تقريبآ من البطارية مركون مش بيتشحن ويتفرغ وبكده الجزء ده بيضعف وهتلاقي بعد فترة من الاستخدام ان اخر ٢٠% من البطاريه بيخلصوا في ١٠ دقايق مثلآ
افضل حاجه زي ما قلت لك اشحن للاخر شيل الشاحن منها وكل فترة قصيره تستخدمه لحد ما يفصل او يفضي تمامآ
مساء الخير يا فندم مع حضرتك اميرة من سامسونج مصر بنشكرك جدا علي طرح سؤالك ونتمنى لحضرتك يوم سعيد بناء على سؤالك هذة ليست مشكلة في جهاز بتكون خاصية تم اضافتها بعد التحديث يمكن تفعيل و الغائها من خلال الضبط-البطارية-المزيد من ضبط البطارية-حماية البطارية
ولو عند حضرتك أى استفسار أخر موجودين تحت أمر حضرتك وفى خدمتك فى أى وقت شكرا لحضرتك ولوقتك
