Exynos ولا Snapdragon

[Artist8]

دايما الناس بتخاف لما يعرف إن الموبايل الى هو عاوز يشتريه Exynos مش Snapdragon ... طب هو حد عارف إيه الفرق بينهم أساسا ؟

فى الوقت الحالى ، Snapdragon أفضل من ال Exynos فى حاجتين مهمين ، واحدة فيهم أهم من التانية بالنسبة لعدد أكبر من الناس ، درجة الحرارة ... Snapdragon بيسخن بدرجة أقل من Exynos و إستهلاكه البطارية ممكن يكون أفضل شوية ، لكن أشك إن الفرق ده يبقى كبير لدرجة إن الناس تفضل ال Snapdragon مخصوص عشان النقطة دى ، الحاجة التانية إن Snapdragon حاليا أسرع من Exynos ف. الجرافيكس، يعنى لو حد غاوى ألعاب هتفرق معاه ، الموبايل هيبقى أسرع ، و درجة حرارته أقل لو Snapdragon مش Exynos 

بس فى معلومة ممكن بعض الناس متعرفهاش ، تعرفو إن Galaxy S2 فى وقته كان واحد من أسرع الأجهزة و كان شغال ب Exynos ، و الS4 كان نازل Exynos و Snapdragon و الاتنين كان أدائهم واحد تقريبا، ، S8 كان نازل Exynos و Snapdragon و نسخة Exynos كانت أسرع. كان S6 Exynos و كان سريع جدا برده و نفس الكلام ينطبق عى الS7 الى كان أسرع من iPhone 6s ، و بفرق كبير فى ال Multi core test يعنى إختبار أداء عدة أنوية فى نفس الوقت ، علما بأن Apple ف. الوقت الحالى و من سنتين تلاتة دلوقت بتصنع أفضل و أسرع معالجات لل iPhone و بفرق كبير عن المنافسين ، و مؤخرا قدمت الM1 و إلى يعتبر أقوى معالج موجود فى الوقت الحالى على كمبيوتر شخصي ، و برده بفرق كبير فى الأداء عن أى معالج متاح حاليا ..

الشركات دى " حبة فوق و حبة تحت " و كل فترة بيكون فى واحدة منهم متفوقة شوية عن الباقى ....

الخلاصة... ... إذا كنت غاوى Games من الى بتحتاج معالج جرافيكس قوى ، فى الفترة الى إحنا فيها دى هتلاقى غالبا Snapdrahon أفضل ، هيبقى أسرع شوية معاك و درجة حرارته أقل ، أما إذا كنت بتستخدم التليفون فى التصفح و الفيسبوك و الشات و لو بتلعب فهتلعب Angry birds ولا Candy crush لو لسه فى حد بيلعب الحاجات دى 😁 فمش هتفرق هو Snapdragon ولا Exynos الاتنين هيدوك نفس الأداء ...

[shadysh]

ولو بتحب التصوير وبرنامج جوجل كاميرا سناب دراجون علشان مش كل اصدارات اكسنوس بتدعم جوجل كاميرا حتى لو كان الموبايل حديث

[Artist8]

تمام ... دى معلومة معرفهاش 😁

[Anonymous]

بالفعل الغالبية العظمه من المستخدين مش هيفرق معاهم كتير لو معالج ده او ده
وعامتآ اخر اصدار من اجزينوس ٩٩٠ نزل بتكنلوجيا ٧ nm
ودي هتعدل شوية من موضوع استهلاك الطاقة
سامسونج شركة من ٣ بتصنع المعالجات بتاعتها ولما تستعين كشركة مصنعة للمعالجات بمعالج من شركة تانية وتنزل ببه في الصين وامريكا هو ده اللي عامل لخبطه عند الناس

[Artist8]

على حد علمى إن سامسونج كانت بتصنع المعالجات لapple iPhone فى وقت من الأوقات ، مش متأكد بصراحة
بس عموما سامسونج كمان بتصنع شرائح الذاكرة و من الشركات الى لها سمعة كويسة فى المجال ده

[Anonymous]

فعلآ سامسونج بتصنع لنفسها كل اجزاء التليفون لما فيها المستشعرات وعدسات الكاميرات
وسوفتوير سامسونج هو رقم واحد وعلي سبيل المثال البنتاجون بجلالة قدره بيستخدم نوكس بتاع سامسونج في التشفير مع انهم عندهم الابل بتاعهم
انا شايف ان اكبر براندين هما سامسونج وابل

[Artist8]

و الله أنا عاوز أقولك إن Apple الميزة عندهم إنهم مركزين فى حاجات معينة ، و ده سبب من أسباب تفوقهم ، بس مشكلتهم إنهم بيعتمدو على إن أجهزتهم مربوطة ببعض ، و مش هيحس بالكلام ده إلا الى عنده أجهزة مختلفة من Apple, ، وأعرف إن من الأسباب الرئيسية لنجاح iPhone فى أمريكا هو إن الناس بتستخدم imessage فى الشات
أنا شخصيا كنت هجيب iphone و فضلت سامسونج عليه ..

[Anonymous]

ابل شاطرين في التسويق وده اللي محققلهم نسبة المبيعات دي
اقتصاد قوي سامحلهم بحجم دعاية وتسويق غير طبيعي
لاحظ كده حضرتك تقريبآ جميع الافلام والمسلسلات علي مستوي العالم كل التليفونات او اللابات اللي بتطلع ابل
قبل اي مهرجان او حدث فني كبير نلاقي كل النجوم وبالذات اللي هيتكرموا شايلين ابل
كل دي هدايه كنوع من الدعايه الناجحه
صياعه امريكاني 😄

[Artist8]

ده حقيقى فعلا 😁

[Artist8]

هى apple قوية أنا مش بقلل منها خالص
بس زى ما حضرتك بتقول كده الدعاية عندهم قوية جدا ..