هو التحديث بجد بقى هدف؟؟!!

[複ᴀʜᴍᴇᴅ]

هو إيه اللي حصل؟ بقينا عايشين للتحديث؟

هو في إيه يا جماعة؟ بجد!

بقينا نفتح جروبات وبرامج، ونقلب الدنيا علشان تحديث واجهة؟

ناس بتشتم، وناس زعلانة، وناس بتحس إن عمرها ضاع علشان التحديث منزلش عندهم لسه! اللي مستغربه بجد… إن في ناس سايبة شغلها، ومودها بيتقلب، وكل تفكيرها في نسخة سوفت وير.

طب خليني أسألك:

هو التحديث ده هيغيرلك إيه؟

هيزود مرتبك؟

هيصالحك مع اللي مخاصمه؟

هيخلي يومك ماشي حلو من غير مشاكل؟

ولا هيخلّيك تنجح وتحقّق اللي بتجري وراه؟

يا صاحبي…ده مجرد شكل جديد، تحريك أيقونة، لون خلفية، كلمتين زيادة في الإعدادات وكده أو كده هينزلك أنت مصعبها على نفسك لي؟

وبعد أسبوعين بكتير هتزهق زي اي تحديث وأنا عارف بقول ايه.

ده انت محتاج تحدث دماغك قبل موبايلك.

[ZeYaddd]

لسه شايف واحد بيسب الدين بسبب الابديت مش عارف ف اي😂😂😂

[複ᴀʜᴍᴇᴅ]

ربنا يهديهم

[Eslam_Eso]

😂😂

[Jo_Sheno]

يصاحبي متكبرش الموضوع دي حاجه
تاني حاجه انا مش شاري تلفون بمبلغ
علشان يذلوني دي فلوسي هي مش فلوس حرام
في حين اني كنت اقدري اشتري واحد تاني غير سامسونج وارتاح بدل القرف دا

[複ᴀʜᴍᴇᴅ]

بص يا غالي، أنا فاهم إنك متضايق، وده من حقك، بس خليني أقولك حاجة بكل احترام…اللي بيحصل ده مش مستاهل الزعل ده كله ولا تسب ولا تلعن ؛لأن أنت اللي خسران، ولا إنك توصل لمرحلة إنك تبقى متعصب بالطريقة دي.

اللي أنت دفعته هيضيع في أي مش فاهم ؟؟، والتحديث هييجي عاجلاً ولا آجلاً، وصدقني بعد ما ينزل، هتستخدمه شوية وتنسى إنك كنت مستنيه بالشكل ده.
خدها ببساطة، وخلّي طاقتك في حاجة تفرّق معاك بجد… التحديث جاي جاي، بس أعصابك وراحتك أهم.

[FarisKeilani]

صدقت وأحسنت يا أخي جزاك الله خيرا وبارك فيك وجعله في ميزان حسناتك

[複ᴀʜᴍᴇᴅ]

ربنا يجزينا وإياك كل خير يا أخي، تسلم على كلامك الجميل، ودي أخلاق الطيبين والله.

[FarisKeilani]

حبيبي يا أخي ده من ذوقك

[FarisKeilani]

والله مهما تقول ومهما تعمل الله يهديهم ويهدينا جميعا
https://r2.community.samsung.com/t5/جالاكسى-A/One-ui-7-0/td-p/19574320?src=ShareByUserCM