إلغاء
إظهار نتائج لـ 
البحث بدلاً من ذلك عن 
هل تعني: 

الموضوع الأصلي:

نصائح هامة جدا للحفاظ على الهاتف

(أُنشأ الموضوع في: 04-09-2022 03:21 PM)
moutazed
Active Level 7
خيارات
إرشادات المجتمع
السلام عليكم 
كل عام وأنتم بخير 
النهاردة جي لكم بنصائح هامة جدا لازم تعملها علشان تحافظ على موبايلك في حالة الفقد أو السرقة لا قدر الله 
أول حاجة حضرتك لازم تعملها 
١- انك تفعل حساب سامسونج أكونت وديه خطوة مهمة جدا. 
٢- انك تدخل بحساب سامسونج أكونت من جهاز موثوق عندك سواء كان لاب توب أو موبايل تاني على اللينك ده 
وتتأكد إنك دخلت على الحساب واتحكمت في الموبايل زي الصورة ديه

image

هتلاقي هنا تحكم كامل في جهازك. 
*ممكن تصدر رنين لمدة دقيقة حتى لو الهاتف على وضع الصامت
*ممكن تعمل قفل لجهازك وتحط أي رسالة ويكون فيها رقم تليفون علشان لو حد لقى التليفون يرن عليك.
*ممكن تعمل تعقب لموقعك كل ١٥ دقيقة ويبعت لك على إيميلك
تفاصيل الموقع.
*ممكن تعمل محو للبيانات على الجهاز بالكامل
الخ من باقي المميزات ونكمل باقي الخطوات المهمة جدا للحفاظ على هاتفك.
٣- حساب سامسونج أكونت لازم تكون عارف الباسورد كويس اوي وبالطبع اليوزر نيم مش هنحفظ الباسورد ونسيب اسمنا يعني أهم حاجة تحفظهم صم وفي مكان سهل انك تسترجعهم لو أنت مش حافظهم وأكيد مش على موبايلك لو سمحت.
٤- خصائص مهمة جدا لازم تفعلها زي الصورة ديه

image

لازم تعلم عليهم كلهم بالمنظر ده وخصوصا الخاصية الأخيرة ديه علشان لو مفيش انترنت تقدر تلاقي موبايلك والخاصية ديه بتشتغل لما بيكون فيه موبايلات سامسونج مفعلة نفس الخاصية ومتصلة بالانترنت.

٥- لازم تفعل انترنت وانت برة في أي مشوار ولازم تفتح الواي فاي كمان مع الباقة علشان لو الانترنت بتاع الباقة فصل لأي سبب من الأسباب يبقى الواي فاي مفتوح ممكن يلقط من أي شبكة مفتوحة وده بيزود فرص ان سامسونج تقدر تحدد موقعك في لحظة ما هيلقط شبكة.

٦- لو حضرتك هتخرج لأي سبب من الأسباب احرص على ان الموبايل يكون مشحون للأخر علشان تحافظ عليه مفتوح لأكبر فترة ممكنة.

٧- لازم علشان الحماية تبقى كاملة لازم تفعل الاختيار ده ضروري جدا

image

وده هيخلي موبايل حضرتك ميتقفلش مطلقا الا بادخال النمط او البين كود او الباسورد وديه أهم حاجة ان الموبايل مش هيقفل.

٨- ممكن وانت بالخارج تفعل وضع الكيدز مود زي كده 

image

ده بيعمل حاجة عظيمة جدا انه بيقفل التحكم في الشريط العلوي وانت عامل لوك للجهاز يعني محدش هيعرف ينزل شريط المهام ويلعب في أي حاجة مطلقاً.

وربنا يحفظ هواتفكم من الفقد او السرقة

1 التعليق
Samah-Ahmed
Moderator
Moderator
خيارات
إرشادات المجتمع

مساء الخير يا فندم

مع حضرتك سماح من سامسونج مصر

بنشكرك جدا على مشاركتك معانا

وبنتمنى لحضرتك يوم سعيد

ولو عندك أى استفسار 

هتلاقينا موجودين تحت أمرك فى أى وقت

شكرا لحضرتك ولوقتك

 

0 نقاط إعجاب