من ضمن الوسائل المهمة جدا جدا للمحافظة على شحنة
البطارية أطول وقت ممكن
إنك لما تبقى فى مكان مفيش فيه شبكة استقبال مكالمات
أو ضعيفة جدا
وتكون مش مهتم تستقبل مكالمات... ساعتها اعمل الهاتف وضع الطيران
لإن ملتقط الشبكة داخل الهاتف
ها يفضل يحاول يلقط شبكة ..يحاول يلقط شبكة.. يحاول يلقط شبكة
فده هايستهلك بطارية جامد جدا
وكده كده مش ها يلقطها
يبقى إيه لزمته بقى
: لكن هناك ملحوظتين
٠١ما تنساش تلغى وضع الطيران
بمجرد انتهاء الغرض منه
٢. مش كل الناس ها يناسبهم الوسيلة دى ولا حتى اللى ها يناسبهم ها يناسبهم فى كل وقت
فكل واحد مننا يستخدمها برشد أو لا يستخدمها حسب ظروف حياته
تفعيل وضع الطيران يعنى تضغط على زرار علامة الطائرة اللى بيبقى فى ستارة الإشعارات العلوية وده أساسا معمول علشان فى الطيارة تفعله فيمنع إرسال واستقبال المكالمات والنت من وإلى الهاتف علشان ما يشوش على أجهزة الطائرة
وفى النصيحة دى فايدة استعماله منع البث للموجات الكهرومغناطيسية اللى بيعتمد عليها أى موبايل فى استقبال المكالمات والرسائل والنت لأنها خطر على الصحة العامة جدا لا سيما المخ ولا سيما الإنسان نايم
