السلام عليكم ورحمةالله وبركاته
صباح الخير ،
بما أن الاجواء مناسبة للكشتات والبر 👍
فيه خيار موجود في خيارات المطور اسمه :
فرض قياسات GNSS الكاملة
تعريف هذا الخيار : ( مهم تفهم آلية هذا الخيار )
هو عبارة عن معالجة بيانات نظام الملاحة العالمي عبر الأقمار الصناعية (GNSS) من أنظمة الملاحه واقمارها (قاليليو) بتفعيل يدوي .
المشكلة الموجودة في الاجهزة ( شرح مبسط):
آلية نظام الاندرويد يقوم بحساب موقعك على حسب قراءة الاقمار الصناعية حولك وهذي عملية دقيقه ينتج عنها موقع دقيق ولكن المشكله ان الاندرويد يحسب لك موقعك في كل يوم مره !! سواءً فعٌلت الموقع أو لا
خلينا نفترض انك في بيتك صباحا وجاتك القراءة اليوميه الساعه ٧ الصباح وتحدد موقعك وصار اذا طلبت موقعك يعطيك الجهاز موقعك ،
ولكن الجهاز اثناء اخذ موقعك الساعه ٧ الصباح بالشكل الدوري كنت متواجد في البيت والان طلعت
راح تصير هنا مشكلتين :
١- انت غير متواجد في النقطة اللي تم القياس منها
( القياس الدوري ) --> تحركت .
٢- الاقمار الصناعية نفسها غير ثابتها.
هنا الحل اللي يسويه الاندرويد انه يحسب لك رياضيا:
ابتعادك عن نقطة قياسك - ابتعاد القمر الصناعي عن موقعه اثناء اخذ بياناتك = موقعك الحالي + ( قراءة سريعة من الاقمار المباشرة )
علشان كذا صار عندك شي اسمه
Accuracy او دقة الموقع .
وهذا اللي يسبب لك احيانا قراءه غير دقيقه جدا خاصه بالواتس اب زي يقولك الدقه ٨ متر
وفيه ناس المتر والمترين يفرق معها كثير خاصه في الاماكن المزدحمه او التوصيل لمواقع جدا دقيقه
مثال وركز على الدقه قبل تفعيل الخاصية هذي :👇
هذي من الواتس اب :
لاحظ الدقه ٨ متر وهذي صورة ثاني من برنامج فحص الجي بي اس
لاحظ برضوه مقدرا الخطأ والدقه ٨
وش يصير اذا فعلنا هذا الخيار ؟
الدقة تصير تتحسن + القراءه مباشرة + الاقمار الصناعية الملتقطه اكثر 👇
لاحظ الفرق بعد تفعيل هذا الخيار :
صار الدقة ٤ متر فقط
يعني تحسن الدقة عندك بمقدار الضعف ١٠٠%
+ تم مضاعفة الاقمار الصناعية للقراءه 👇
على يمين الصورة يوضح لك عدد موفرين خدمة الموقع والاقمار الصناعية ( قاليليو وجي بي اس وبيدوا )
جميع الاقمار المتاحة تم تفعيله بعد هذا الخيار
مهم جدا /
طيب ليش مالاندرويد يخليها مفعله على طول ويرحنا ؟
ج / لانها تستنزف البطاريه جدا
لذلك لا تفعلها الا اذا احتجتها واذا خلصت قفلها لاتنسى
علشان لايخلص شحن جوالك
تذكير : /
اذا انت معك ايفون لايمكن تعمل هذه الخاصية معك ( ولا حتى برامج ستور ) لان الايفون هو اللي يقرر الافضل لك مهب انت 🤣
وهذي خاصية يتميز بها الاندرويد عن ال Ios
والسلام عليكم ورحمة الله وبركاته
لاتنسونا من دعواتكم / ابوطلال .
شرح تفعيل خيارات المطور /
١- اتجه للضبط
٢- ثم حول الهاتف
٣- انقر ٧ مرات متتاليه على رقم الطراز
٤- راح يتفعل عندك وضع المطور
