Original topic:

ميزة تساعدك في الخصوصية مع توكلنا

(Topic created on: 04-28-2021 04:04 PM)
978 Views
QuitePerson
Active Level 5
Options
إرشادات المجتمع
السلام عليكم ورحمة الله 
قد تكون واجهتك مشكلة مع توكلنا وهي ان التطبيق يرفض يفتح اذا أعطيته اذن بالوصول للموقع عند فتح التطبيق. في نفس الوقت ما تبغى التطبيق يكون عنده وصول دائم و مستمر لموقعك.

أضف لذلك انك لو فكيت الموقع عشان تخش توكلنا ممكن تسيبه مفتوح و تنساه والعكس كذلك تقفل الموقع و تجي تخش بقاله تكتشف انك لسع تفك الموقع وتنتظر الين يفك معاك توكلنا.

اليوم جاتني فكرة و ضبطت معايا.


استخدم بكسبي روتين اذا متوفر في جوالك

اذا ما تعرف كيف تسويها حشرح في السطور الل جاية كيف تسويها

الان من تطبيق بكسبي روتين تروح على تبويب إضافة روتين 
بعدها تختار الشرط 

image


تختار من القائمة الل تنفتح خيار فتح تطبيق 


image


بعدها اختار تطبيق توكلنا


image


من قسم "ثم" الخاص بالاجراء 

image



اختار من القائمة خيار الموقع


image

سوي تفعيل 


image



في قسم " عند انتهاء الروتين " اتركه على خيار اعكس هذه الإجراءات 


image


الان يتم تفعيل الموقع عند فتح توكلنا و يتم غلقه مرة أخرى عند الخروج منه 
QuitePerson
Active Level 5
إرشادات المجتمع
مبسوط انها عجبتك. تسلم
0 Likes
muhaneed16
Active Level 6
إرشادات المجتمع
يعطيك العافية🌹🌹
EisaAli
Active Level 4
إرشادات المجتمع
الف شكر لك يالغالي .. عجبتني جدا وفعلتها كذلك بتطبيق قوقل ماب
QuitePerson
Active Level 5
إرشادات المجتمع
العفو يا عزيزي. تعجبني ردود الفعل على المنشور لأنها تعطيني فكرة عن حجم الفائدة منه.
بالنسبة للخرائط صحيح؛جاتني نفس الفكرة بعد أيام من تطبيقها لتوكلنا فكرت أضيف معاه تطبيق الخرائط. بس انتبه اذا خرجت من التطبيق بيقفل الموقع و بالتالي حتظل مضطر تكون فاتح شاشة التطبيق باستمرار او ممكن النافذة المنبثقة تأدي الغرض يبغالي اجربها
QuitePerson
Active Level 5
إرشادات المجتمع
ممكن تسويها بحيلة ثانية
انت متى تحتاج تطبيق الخرائط؟ اذا كنت تسوق
هل جوالك يشبك بلوتوث مع السيارة اول ما تركب؟
اذن سوي الشرط انه لمن جوالك يشبك على بلوتوث السيارة + لمن افك تطبيق خرائط؛ عندئذ فك لي الموقع
EisaAli
Active Level 4
إرشادات المجتمع
ياسلام عليك
QuitePerson
Active Level 5
إرشادات المجتمع
أيضا يمديك تختار الشرط بدل من انك تختار بلوتوث السيارة تختار شرط يقود وهو يعرف البلوتوث حق السيارة.

اخر شي :فيه روتين جاهز اسمه القيادة و هو فيه الشي هذا بس فيه اشياء ثانية كثيرة يبغالك تعدل عليه
EisaAli
Active Level 4
إرشادات المجتمع
ميزة جبارة هالبكسبي بس حنا مانستفيد من قدراته
QuitePerson
Active Level 5
إرشادات المجتمع
لك عليه برضه بس باعتبار انه الوحيد من نوعه على مستوى جميع شركات الجوالات فهو شي جبار فعلا و تشكر عليه سامسونج
StarX77
Active Level 4
إرشادات المجتمع
أعرف أني متأخر 🌚
صراحة الفكرة أسطورية والله رهيب
المهم يعطيك العافية👍🏻