يسعد مساكم جميعا 🌹
من الطفش مسكت الجوالين وقعدت أحوس فيهم حوس صراحه كل الاثنين قمه وجمال وكل جهاز له ميزات عن الاخر عشان مانظلم الجهازين من البدايه 😁
اول شي بتكلم عن الجهاز النظام ومن وجهة نظري طبعا الموضوع كله وجهة نظري وقناعتي
الاس 21 الترا أعجبني بالتصميم اكثر صراحه حتى بصفة الكاميرات 😍👍
التقنيات المضافه طبعا بلا شك سامسونج افضل بالتقنيات بشكل عام
الشبكات الايفون افضل واكبر مثال الفايف جي بالايفون خورافي بمعنى الكلمه وحراره خفيفه غير مزعجه خصوصا لراعين الألعاب 😍👍
الشي اللي لازم أنصف فيه
عندنا استراحه الابراج معدومه موبايلي يالله يجي برج واحد في سامسونج والنت معدوم اللي صدمني الايفون يجيب 3 أبراج بنفس الموقع وعلى 3g والنت يمشي الحال يادوبك!!!
الايفون بالاتصال افضل 😍👍
نجي للنظام
صراحه انا من معجبين اندرويد وواجهة سامسونج لذلك هي المحبه لي 😍👍
بالنسبه للمنتجات والخدمات التابعه لكل جوال
للامانه الايفون افضل بكثير من جميع النواحي ولكن سماعات جالكسي بودز برو أعجبتني اكثر في مسألة العزل وفك العزل الخ 😍🌹
نظام ios حلو ولكن مايعجبني لانه مافيه ميزات مثل سامسونج ومغلق وهذا اللي مايعجبني فيه
التناغم بين الجوال واللابتوب صحيح ميزه للايفون انها ترتبط باجهزتها وفيها من السلاسه لكن الجالكسي افضل بكثير واكثر سلاسه وسهوله للوصول لكل محتويات الجهاز بأي كمبيوتر ويميزها اكثر dex صراحه 😍😁
التحديثات والبرامج
للامانه الايفون يتفوق من ناحية التحديثات ووصولها في آن واحد لجميع أنحاء العالم 👍
الشي الثاني تناغم التطبيقات مع نظامها سواء من توافق كاميرا او توافق تطبيقات رغم انها من مطورين البرامج ولكن تحسب لصالحهم بكل امانه 😍✅
تمنيت سامسونج تهتم في جالكسي ستور وتكون جميع البرامج فيها ومتوافقه مع كاميراتها ولا توافق النظام مع التطبيقات اعتقد من قوقل الله يبلشها ماتحط حد المطورين 😕
من ناحية الألعاب وأداء المعالج واستنزاف البطاريه
ماتعمقت من هالناحيه صراحه ولكن كل فتره العب بالجهازين ماشاء الله تبارك الله أعلى الاعدادات المدعومه بدون حراره مزعجه وهذا الأهم 😍👍✅
اما التصوير بترك الحكم لكم
اما الفيديو من الكاميرا
عند التقريب في الجالكسي x10 او عند 0.6 تفقد الألوان بشكل واضح
4k بمعدل 60 إطار بالثانيه أعجبني مافيه تشويش او يفقد فيه الألوان بشكل ملحوظ الا في التقريب 10×
كذلك فيه حراره قويه في استخدام الكاميرا ولو خليت الكاميرا شغاله فتره طويله راح يتقفل تلقائي هذي الملاحظه الوحيده اللي شفتها بارتفاع الحراره
اي شخص معه s21 ultra يجرب يفتح الكاميرا ويراقب حرارة المعالج والبطاريه تتعدى 40 لكل منها ويتقفل تلقائي
رغم التحديثات لتحسين الكاميرا ولكن فيه مشكله بالخصوص هذا 😑
لقطة ختام صوره من s20fe 😁
نهاية المنشور حبيت اشاركم رأيي المتواضع وقناعتي مع العلم الجوالين ما اعتقد بستغني عنهم 😍🌹
تحيه للوحشين 😍😍✅
المطيري،،،!
