مشكله في الصوت في سامسونج جالاكسي A71

[bozologist]

الموبايل بيسقط صوت في المايك بصورة عشوائيه و مش بتتحل الا لما ارستر الجهاز. و لاحظت وجود المشكله بنفس الجهاز مع مستخدمين آخرين. واضح في مشكله في السوفت وير. و مستغرب جداً ان شركة سامسونج تتجاهل حل المشكله في تحديثتها.

شيئ سيئ جداً.

[hibahiba]

وانا بردك عندي نفس مشكلة
حتن افتكرت ان سمعة باظت

[أولm31]

أفتح صفحة من على تطبيق سامسونج أسمها الحصول على المساعدة.

[Mooshaa]

نفس المشكله عندي بالضبط

[Mooshaa]

هل حد وصل لحل لها

[bozologist]

المشكله دي موجوده في جيل A
لي زميل عنده A31
و نفس المشكله
و لم أجد لها حل
و لازم ارستر علشان الصوت يرجع. نصيحه محدش يشتري موبايل من الجيل ده

[Amira-elnagar]

مساء الخير يا فندم مع حضرتك اميرة من سامسونج مصر

بنشكرك جدا علي طرح سؤالك ونتمنى لحضرتك يوم سعيد

فى البدايه بعتذر لحضرتك جدا عن المشكله اللى بتواجه

بناء على سؤالك

ممكن حضرتك تقوم بالضغط على
*#0283#
بيظهر لحضرتك 3 اختبارات
 ممكن حضرتك تقوم بإختيار SPK المايك
 ممكن حضرتك تقوم بإختيار RCV السماعه بتاعت الهاتف
 ممكن حضرتك تقوم بإختيار EAR الهاند فرى
وحضرتك هتردد اى جملة وفى حالة تكرار الجملة من الهاتف مرة اخرى هذا يعنى عدم وجود مشكلة بالهاتف

 ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك

[mohamad3laa]

نفس المشكلة

[Amira-elnagar]

mohamad3laa

صباح الخير يا فندم مع حضرتك اميرة من سامسونج مصر
بنشكرك جدا علي طرح سؤالك ونتمنى لحضرتك يوم سعيد
فى البدايه بعتذر لحضرتك جدا عن المشكله اللى بتواجهك
بناء على سؤالك أستأذن حضرتك فى التوجه لاقرب مركز صيانه 
للتمكن من فحص الجهاز ومساعده حضرتك 
للتعرف على أقرب مركز صيانه خاص لحضرتك من خلال الرابط التالى : 
https://www.samsung.com/eg/support/service-center/
ولو عند حضرتك أى استفسار أخر
موجودين تحت أمر حضرتك وفى خدمتك فى أى وقت
شكرا لحضرتك ولوقتك

[Maged2010]

انا عندى نفس المشكلة بالضبط وتوجهت للتوكيل وبعد الفحص قالى محتاج تغيير بورد