ما تقلقش.. موبايلك سليم!" | نصايح وحقائق كتير مننا فاهمها غلط في سامسونج 📱✅

[النجمالثاقب]

يا شباب، بلاحظ يومياً أسئلة كتير بتكرر عن حاجات بنفتكرها "عيوب صناعة" وهي في الحقيقة خصائص تقنية عادية جداً.. ركزوا معايا في الكلمتين دول عشان توفروا على نفسكم القلق والمشاوير للتوكيل:

1️⃣ صوت "الطقطقة" أو الخروشة من ناحية الكاميرا:
لو هزيت الموبايل وسمعت صوت حاجة بتتحرك جوه الكاميرا، ما تخافش! ده مش مسمار سايب، ده محرك الـ OIS (مثبت الصور البصري). العدسة بتبقى "عائمة" عشان تمتص الاهتزاز وأنت بتصور، وأول ما تفتح الكاميرا الصوت ده بيختفي لأن المحرك بيشتغل.. ده دليل إن موبايلك تصويره احترافي مش عيب!

2️⃣ السخونية وقت التحديث أو "أول أسبوع" شراء:
طبيعي جداً الموبايل يسخن في البداية لأن النظام بيعمل (Indexing) للملفات وبيتعرف على نمط استخدامك (Learning Usage Patterns). سيبه أسبوع والحرارة هتهدأ لوحدها، وبلاش تشحن وتلعب في نفس الوقت في الصيف ده.

3️⃣ هبوط نسبة البطارية بسرعة في أول كام يوم:
نفس الفكرة، البطارية بتحتاج كذا دورة شحن (Cycles) عشان تديك أداءها الفعلي. ما تحكمش على البطارية غير بعد 10 أيام استخدام على الأقل.

دي شوية حقائق حبيت أشارككم بيها من واقع الخبرة عشان الكل يستفيد.
لو حد عنده "صوت" أو "حاجة غريبة" في موبايله ومش عارف هي إيه، يكتب في التعليقات وهرد عليكم فوراً. 👇

[hossamos]

طمتني علي حتة البطارية دي لان موبايلي لسة جديد بقاله يومين وحاسس البطارية بتخلص بسرعة

[النجمالثاقب]

متقلقش يا غالي دا طبيعي جدا زي م انا موضح فوق 😊

[hossamos]

الله يطمنك يا غالي ❤❤

[النجمالثاقب]

حبيبي و لك بالمثل و زياده يارب ❤❤😊😊

[sarahkatty]

جزاك الله خيرا علي الكلام والتذكرة عشان يطمن من ناحية استخدام موبايله

[النجمالثاقب]

🙏🙏😊😊

[sarahkatty]

❤مرسي

[sarahkatty]

شكرا علي القلب وجزاك الله خيرا

[sarahkatty]

جمعة مباركة باذن الله