ليش كذا يا سامسونچ!

[SaudiAspire]

الجهاز توه مكمل شهر

ومبيعات على حسب الي نسمعه عاليه

ليش تنزلون سعره بهذا الشكل يا سامسونچ!

https://www.amazon.com/dp/B097CNBDX2/ref=cm_sw_r_cp_api_glt_fabc_T20J12RFXH0EQC59RMKN

[〆almutairi〆]

هذا اللي يقهر في أجهزة سام
وكان الاجهزه عباره عن اكتتاب ( السعر مرتفع) بعد شهر عند قاع!!!!

كمثال اشري جهاز ب 5 آلاف بعد 3 شهور ينباع ب 3500!!

اذكر مره بعت جالكسي اس 10 بلس بعد نزوله بسنه ب 1300 ريال وبعت ايفون 7 بلس بنفس الوقت ب 1000 ريال رغم الايفون من نزله اعتقد اكثر من 5 سنوات عكس جالكسي اس 10 بعد سنه!!!

[〆almutairi〆]

ولا راح تستوعب صدقني 😂😂💙

[SalehHm]

مشكلة سامسونج العويصه ينزلون لك الف جهاز ، لو ينزلون جهازين بس ويركزون عليهم خلاص من يقدر عليهم

[refah]

يمكن أمازون مسوي عروض 🤏🏻

وحلو ينزل سعره عشان تشتريه الناس ليه مو عاجبك 💔💔💔

[Miatham]

لا هذا السعر في أمازون أمريكا

السعر المعلن عندهم يكون غير شامل الضريبة عكس السعودية

لأنه نسبة الضريبة تختلف من ولاية لأخرى وفيه 9 ولايات لا يوجد بها ضريبة مثل ألاسكا ومونتانا أوريغون

السعودية الضريبة 15 بالمئة على كل المناطق

لهذا السعر المعلن للهواتف تكون شاملة الضريبة

[〆almutairi〆]

ننتظر بعد شهرين نشوف سعر السهم كم وصل 😁

هذي حقيقه في سام سواء بررنا او لا السعر يطيح طيحه من قمه إلى قاع في ظرف 3 شهور وهذا شي يغبن بحد ذاته

[Miatham]

لا هذا مو تبرير إنما توضيح

الزي فولد 2 اللي قبله رغم مرور سنة على إطلاقه ما زالت قيمته ب 6100 ريال غي جرير وإكسترا

[〆almutairi〆]

لاتمسك ع جهاز واحد وتحاج فيه
أجهزة سام كثيره بعد مرور 3شهور تأخذه اقل وبعرض بعد تكلم بمنطق 👍

حنا لما نتكلم ماحنا ضد سام ولو ضدها ما أخذنا أجهزتها اساسا ولكن لما تاخذ جهاز غالي بعد شهر تخفض سام عشان تطلع وتقول حققنا مبيعات!!!!

ويجي واحد يبرر عنها هذا اللي يقهر اكثر

وانت عارف كم موضوع تكلمنا فيه سابقا وأكثر الأعضاء لابد كلموا فيه خصوصا اول ماينزل الجهاز يقولك انتظر شهر أو شهرين ينزل سعره!!

ولو كنت مكان شخص شرى مثلا بقيمة 6 آلاف بعد شهرين خذاه واحد ب 4500 مع عرض اما سماعات او ساعه او يكون ب 5 آلاف مثلا مع عروض تحس بالقهر والغبنه الا اذا ماعندك احساس بالشي ذا فمعك حق 🌹

[refah]

يعني عندهم أرخص من عندنا 🤑

طيب عادي وأن نزلوا من سعره شنو المشكلة 👀